“Bakı”dan rəsmi açıqlama: “Hakimlər istədiklərini edəcəklərsə, meydana niyə çıxırıq?”

"Simurq”la oyunun fasiləsində dava olmayıb. Sadəcə olaraq, biz hakimlərə etirazımızı bildirmişik”. Futbolxeber.az saytına verdiyi açıqlamada bu sözləri “Bakı”nın mətbuat xidmətinin rəhbəri İsgəndər İsgəndərov deyib. Klub rəsmisi “Simurq”la oyunu idarə edən hakimlər briqadasının qərarlarından narazı qaldıqlarını vurğulayıb: “Fasilədə hakimlərə ikinci qolla bağlı etirazımızı bildirdik. Həmin epizodda referi düzgün qərar vermədi. Baş məşqçi İbrahim Uzunca da hakimlərə bildirdi ki, əgər istədiklərini edəcəklərsə, biz meydana niyə çıxırıq?”