Şahin Diniyev: “Ata kimi fəxr edirəm ki, oğlum milliyə dəvət alıb”

Yığmamızın sabiq baş məşqçisi, Məşqçilər Komitəsinin üzvü Şahin Diniyev oğlu, “İnter”in üzvü Coşqun Diniyevin ilk dəfə olaraq ölkəmizin əsas milli komandasına dəvət almasına münasibət bildirib. Futbolxeber.az-ın məlumatına görə, təcrübəli mütəxəssis Sportpress.az saytına verdiyi açıqlamada deyib: “Ata kimi fəxr edirəm ki, oğlum milliyə dəvət alıb. Bu, uzun yolun başlanğıcıdı. İndi Coşqun ona bəslənən ümidləri doğrultmalıdı. Hələ ki o, milli üçün heç nə etməyib, gələcəkdə nəsə edə bilər. İnanıram ki, Coşqun məşqçilərinin etimadını, ümidlərini doğruldacaq. Hər şey özündən asılıdır”.