Maurinyo: “Torresin sağlamlığını risqə ata bilmərəm”

“Çelsi”nin baş məşqçisi Joze Maurinyo bu gün İngiltərə Premyer Liqasının 25-ci turu çərçivəsində “Nyukasl”a qarşı baş tutacaq oyun barədə danışıb. Futbolxeber.az-ın məlumatına görə, portuqaliyalı mütəxəssis komandasında zədədən əziyyət çəkən futbolçuların durumundan da söz açıb: “Fernando Torres demək olar ki, hazırdı. Amma mən onu sağlamlığı ilə risq edə bilmərəm. Əgər bu, mövsümün son oyunu olsaydı, Torresi meydana buraxardım. İndiki halda isə onun sağlamlığını təhlükə altına atmağa dəyməz. O və Van Ginkeldən başqa heyətdə hər hansı bir itki yoxdur. Əlimizdən gələni edəcəyik ki, bu gün yenidən azarkeşlərimizi sevindirək. “Nyukasl” güclü rəqib olsa da, meydana yaınız qələbə üçün çıxacağıq”.

Xatırladaq ki, “Çelsi” - “Nyukasl” oyunu bu gün Bakı vaxtı ilə 19:00-da start götürəcək.