Karateçimizdən gümüş medal

Azərbaycanın 16-18 yaşlı gənclərdən ibarət karate millisinin üzvü Rumil Cəfərli (76 kq) Birləşmiş Ərəb Əmirliklərinin Fujeira şəhərində keçirilən “Karate1 Youth League” turnirində gümüş medalını qazanıb.

Futbolxeber.az saytının Azərbaycan Karate Federasiyasına istinadən verdiyi məlumata görə, gənc idmançımız yalnız finalda məğlub olub.

Bunadək U-21 yığmasının üzvü Nicat Kərimli (75 kq) gümüş medal əldə edib.

Qeyd edək ki, Dünya Karate Federasiyasının nüfuzlu turnirlərindən sayılan bu yarışda 14 yaşadək uşaqlar, 14-15 yaşlı yeniyetmələr, 16-18 və 21 yaşadək gənclər mübarizə aparırlar. 67 ölkədən 1169 idmançının qatıldığı turnirdə Azərbaycanı 27 karateçi təmsil edir.