U-21 millimiz yenə məğlub oldu

21 yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün növbəti oyununu keçirib.

Futbolxeber.az saytının məlumatına görə, yığma “Azersun Arena”da bundan əvvəl iki matçda da uduzan Şimali İrlandiyanın müvafiq yaş qrupundan ibarət komandası ilə qarşılaşıb.

Şimali İrlandiya yığması 37-ci dəqiqədən meydanda azlıqda qalsa da, Azərbaycan millisi bu üstünlükdən yararlanma bilməyib və rəqibinə uduzub. 38-ci dəqiqədə penaltini qaçıran yığmamızın üzvü Camal Cəfərovun da böyük “payı” olub.

Qeyd edək ki, Azərbaycan millisi ilk oyunda Serbiyaya 0:2 hesabı ilə uduzub.

12 oktyabr

Azərbaycan (U-21) - Şimali İrlandiya (U-21) - 0:1

Qol: Kiaran Makkuckin, 19

Qırmızı vərəqə: Aaron Donli, 37 (Şimali İrlandiya)

Baş hakim: Georgi Davidov (Bolqarıstan)