Ukraynalı futbolçu: "Vorskla" "Qarabağ"a Poltavada da qalib gələcək"

Ukraynanın “Zarya” klubunda forma geyinən Vitali Vernidub Futbolxeber.az saytına açıqlama verib.

Uzun illər “Qəbələ”də oynamış futbolçu “Qarabağ”ın “Vorskla”ya qarşı keçirəcəyi görüş haqda fikirlərini bildirib. O, həmyerlilərinin “Qarabağ”a Poltavadakı görüşdə də qalib gələcəyini ehtimal etdiyini bildirib: “Vorskla”nın “Qarabağ”a qarşı Bakıda keçirdiyi oyunu da izləmişdim. Mən oyundan öncə də “Vorskla”ya azarkeşlik edəcəyimi bildirmişdim. Həmyerlilərim vacib qələbə qazandılar.

Poltavadakı görüşün daha çətin keçəcəyini demək olar. Amma düşünürəm ki, Poltavada da “Vorskla” “Qarabağ”a qalib gələcək. “Vorskla”ya azarkeşlik edəcəm. “Qarabağ”ın əvvəlki illərlə müqayisəd zəiflədiyini və ya gücləndiyini deyə bilmərəm. İstənilən halda “Qarabağ” güclü komandadı”.