“Real” tarixinin ən titullu futbolçusu Səudiyyə Ərəbistanı klubunda

“Real”ın sabiq kapitanı Naço Fernandes karyerasını Səudiyyə Ərəbistanıda davam etdirəcək.

Futbolxeber.az saytının məlumatına görə, 34 yaşlı futbolçu “Əl-Kadisiyə” ilə anlaşıb. O, yeni klubuna azad agent statusu ilə keçib və 6 nömrəli forma ilə çıxış edəcək.

Qeyd edək ki, Naço “Real” tarixində ən titullu futbolçudur. “Kral klubu”nun heyətində ümumilikdə 26 kubok qazanan Naço 6 dəfə Çempionlar Liqasının qalibi olmuş 5 futbolçudan biridir. İspan müdafiəçi yetirməsi olduğu “Real”ın heyətində 364 matçda forma geyib, 10 qol vurub, 16 dəfə məhsuldar ötürmə müəllifi olub.