“Sabah” - “Sent Patriks” oyununun biletləri satışda

UEFA Konfrans Liqasının 3-cü təsnifat mərhələsinin cavab oyunu çərçivəsində keçiriləcək “Sabah” (Azərbaycan) - "Sent Patriks " (İrlandiya) qarşılaşmasının biletləri artıq satışa çıxarılıb.

Futbolxeber.az saytının məlumatına görə, “Sabah”ın avrokuboklarda ev oyununu stadiondan canlı izləmək istəyən şəxslər biletləri onlayn şəkildə “iticket.az” saytından əldə edə bilərlər.

Qarşıdakı günlərdə "Bank Respublika Arena"nın kassalarında və başqa satış məntəqələrində də bilet satışlarına başlanması nəzərdə tutulub.

Bilet almaq üçün (https://iticket.az/.../sabah-fk-st-patricks-athletic/125887) linkinə daxil ola bilərsiniz.

Qeyd edək ki, “Sabah” - “Sent Patriks” matçı avqustun 15-də, saat 20:00-da “Bank Respublika Arena”da baş tutacaq.

Qeyd

1. Oyuna gecikən tamaşaçılar (oyunun 70-ci dəqiqəsindən sonra) stadiona buraxılmayacaq.

2. Stadiona qida məhsulları, şüşə və plastik qablarda içki, bərk bağlamalı qablarda və bankalarda qida məhsulları ilə daxil olmaq qəti surətdə qadağan olunur.

3. Stadionu tərk edən tamaşaçılar, eyni biletlə stadiona təkrar giriş edə bilməyəcəklər.