“Qarabağ” - “Bayer Leverkuzen” oyununa nə qədər bilet satılıb?

UEFA Avropa Liqasının qrup mərhələsində keçiriləcək “Qarabağ” - “Bayer Leverkuzen” (Almaniya) oyununa bilet satışı davam edir.

Futbolxeber.az saytının məlumatına görə, qarşılaşma üçün artıq 15 min bilet satılıb. Bu barədə Ağdam klubu məlumat yayıb.

Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 40 və 100 manat təşkil edir.

Satış məntəqələri:

Iticket.az-ın satış məntəqələri (iticket.az-da onlayn satış);

Park Bulvardakı “Qarabağ” FK-nın Fan-Şopu;

Tofiq Bəhramov adına Respublika stadionunun kassaları;

"Changan Azerbaijan”da isə VIP və CAT 1 biletlər satılacaq.

Qeyd edək ki, noyabrın 9-da Tofiq Bəhramov adına Respublika Stadionunda keçiriləcək "Qarabağ" - "Bayer Leverkuzen" matçı saat 21:45-də başlayacaq.