“Sumqayıt” Albaniya klubundan müdafiəçi transfer etdi

2020/2021 mövsümü üçün transfer çalışmalarını davam etdirən “Sumqayıt” FK daha bir futbolçunu heyətinə cəlb edib.

Futbolxeber.az saytının klubun Feysbuk səhifəsinə istinadən verdiyi məlumata görə, son mövsümü Albaniyanın “Bylis” klubunda icarədə keçirən, müqavilə ilə “Sabah”a məxsus olan mərkəz müdafiəçisi Eltun Turabovla müqavilə imzalayıb.

“Sumqayıt”da 1 il müddətinə icarə əsasında çıxış edəcək olan 23 yaşlı futbolçu “33” nömrəli formanı geyinəcək.