15 Sentyabr 2019, Bazar günü
"Zirə" və "Qəbələ"dən qələbə
“Limit futbolumuza mane olur”
Rafiq Hüseynov finalda!
Məhəmmədrəsul nokautla qalib gəldi

Ölkə futbolu

Şeydayev: “Səmədov “krutoy mujik”di”

“Aleksandr Səmədovla daha çox futboldan, Azərbaycan millisindən danışırdıq. Yığmadakı durumu soruşurdu, özünün zamanında Azərbaycan millisinə getməməsinin səbəbini deyirdi”.

Futbolxeber.az saytının məlumatına görə, bu sözləri Azərbaycan millisinin futbolçusu Ramil Şeydayev “YouTube”dəki “İbrakadabra” kanalına müsahibəsində deyib.

Moskva "Dinamo"sunun hücumçusu Rusiya yığmasının sabiq futbolçusu olan Azərbaycan əsilli Səmədovla bağlı xatirələrini bölüşüb: “Onunla “Krılya Sovetov”da bir yerdə oynadıq. Bakıda keçirilən Avropa Liqasının finalının səfiri idi. Mənə Azərbaycana səfərindən danışdı. Belə başa düşdüm ki, Bakını çox bəyənib. Səmədov “krutoy mujik"di”.

Şeydayevin sözlərinə görə, futbolçu karyerasını başa vurduqdan sonra yaşamaq üçün Azərbaycana köçməsi mümkündür: “Bakıda çoxlu sayda gözəl yer var. Məsələn, Heydər Əliyev Mərkəzinə getmək olar. Dənizkənarı Bulvarda xeyli restoran var. Ən bəyəndiyim şəhərləri belə sıralayardım: Sankt-Peterburq, Bakı və Moskva. Piter mənim üçün doğmadır, orada doğulmuşam. Bakı isə mənim üçün çox komfortdur. Ola bilər ki, futbolçu karyeramı başa vurandan sonra ora köçəm. Hələlik dəqiq deyə bilmərəm. Lakin bu variant tamamilə mümkündür. Azərbaycanda məni daha çox tanıyırlar. Amma Bakıda ulduz sayılmağımla razı deyiləm”.

Gənc forvard aparıcının “Azərbaycanlı futbolçulardan biri deyirdi ki, dindar olduğu, namaz qılıb, oruc tutduğu üçün böyük klubda oynamaq onda alınmayıb. Bu barədə nə deyə bilərsiniz?” sualını belə cavablandırıb: “İbadət etməyim mənə mane olmur. Bəlkə kimlərinsə bu cür stereotipləri var. Ancaq oruc tutan zaman məşq və ya ondan kənarda çətin olmur. Özümü normal hiss edirəm”.

Şeydayev Türkiyənin “Trabzonspor” klubunda özünü niyə göstərə bilməməsinə də toxunub: “Trabzonda niyə alınmadı? Çünki şans vermədilər, etibar etmədilər. Karyeramla bağlı heç nəyə görə təəssüflənmirəm”.

Yığma üzvü Rusiyanın “Zenit” komandasında çıxış edən zaman futbolçu Halkla bağlı bir əhvalat danışıb: “Zenit”də Halkın fiziki cəhətdən nə qədər güclü olduğunu göstərən video-çarxın çəkilişi zamanı Andrey Arşavin də var idi. Amma o, ikinci planda qalmışdı. Orda mənimlə bərabər bir neçə gənc futbolçu da topla oynayırdı, Halk zərbə vurandan sonra isə top partladı. Başqa bir epizodda Halk ad günü münasibəti ilə şamları üfürən vaxt Andreyin əlindəki tort uçdu. Arşavin mənim üçün əfsanədir, Halkdan üstündür”.

Qeyd edək ki, Ramil Şeydayev karyerası ərzində “Dinamo”, “Krılya Sovet”, “Zenit” və “Trabzonspor”la yanaşı, Slovakiyanın “Jilina” və “Qarabağ” komandalarının formasını geyinib (“Report”).

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30