10 Aprel 2024, Çərşənbə
Millimiz darmadağın oldu
Avropa çempionatında möhtəşəm nəticə
"Zirə"nin tarixinə düşən qələbə
Qurban Qurbanov qələbə şərhi

Ölkə futbolu

Şahin Diniyev: “Kubok görüşünə də elə-belə baxmırıq”

"Sıx yarış qrafiki yaranıb, bizim də iki heyətimiz yoxdu ki, həm kubokda, həm də çempionatda mübarizə aparaq. Bir yerə köklənməliyik”. Futbolxeber.az-ın məlumatına görə, bu fikirlər “Kəpəz”in baş məşqçisi Şahin Diniyevə məxsusdur.

“Xəzər Lənkəran”la ölkə kubokunun 1/8 final mərhələsinin oyunu öncəsi kapazpfc.az saytına açıqlamasında təcrübəli mütəxəssis belə deyib: “Üç gündən bir oyun olanda çatdırmaq çətindir. Lənkəranda az güc sərf edib qələbə qazanmağa çalışacağıq. Oynamayan futbolçulara şans verəcəyik. Əsas gücümüzü “Sumqayıt”la çempionat matçına saxlayacağıq. Bununla belə, kubok görüşünə də elə-belə baxmırıq. “Kəpəz”in formasının geyinən hər bir futbolçu komandanın əsas heyətinin üzvü sayılır. Az oynayanlara şans yaradacağıq ki, özlərini göstərsinlər”.

“Xəzər Lənkəran” - “Kəpəz” komandaları indiyədək Azərbaycan kubokunda qarşılaşmayıblar. Bu mənada tərəflər dekabrın 2-də ilk dəfə üz-üzə gələcəklər: “Bu gün Premyer Liqada demək olar ki, zəif rəqib yoxdu. Zəif deyilən klublar çempionatda qələbələr qazanıb xal yığmağa başlayıblar. Hər bir komanda liderləri büdrətmək gücünə malikdir. Bütün oyunlar üçün maksimum güc sərf etmək lazımdır. Asan və yarı güclə oyun udmaq mümkün deyil. “Xəzər Lənkəran” güclü rəqibdir. Doğma meydanda azarkeşlərinin önündə oynayacaqlar və qələbə qazanmağa çalışacaqlar. Asan oyun olmayacaq”.

Sabah kubok oyunu ilə iki cəbhədə mübarizəyə başlayacaq “Kəpəz” Topaz Premyer Liqasında 14 turdan sonra turnir cədvəlində beşinci pillədə qərarlaşıb. Komandanın 20 xalı var: “Kubokda hələ ki, dəqiq strategiyamız yoxdur. Ona görə ki, heyətimiz geniş deyil, rotasiya etmək imkanımız azdır. Ancaq gələcəyə nikbin baxırıq, kubokda nə qədər uzaq gedə bilsək, gedəcəyik. Sizə açıq deyirəm, əsas gücümüzü çempionat oyunlarına yönəldəcəyik”.   




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30