AFFA cəzaları açıqladı

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, toplantıda aşağıdakı qərarlar qəbul olunub:

28 noyabr 2015-ci il, 2015/2016 mövsümündə, XXIV Topaz Premyer Liqasının XIV turunun “Zirə” - “Xəzər Lənkəran” matçının 56-cı dəqiqəsində “Xəzər Lənkəran” klubunun 8 №-li futbolçusu Elşən Rzazadə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 200 manat cərimə olunur (maddə 48). Oyunun 59-cu dəqiqəsində “Zirə” klubunun 9 №-li futbolçusu Nelson Bonilla ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 200 manat cərimə olunur (maddə 48).

29 noyabr 2015-ci il, 2015/2016 mövsümündə, XXIV Topaz Premyer Liqasının XIV turunun “Neftçi” - “Qarabağ” matçında “Neftçi” klubunun 5 futbolçusu sarı vərəqə ilə cəzalandığı üçün klub 1000 manat cərimə olunur  (maddə 40). Oyunun fasiləsi zamanı “Qarabağ” klubunun azarkeşləri tərəfindən pirotexniki vasitələrdən istifadə edildiyinə görə klub 1000 manat cərimə olunur (maddə 52.2).

30 noyabr 2015-ci il, 2015/2016 mövsümündə, XXIV Topaz Premyer Liqasının XIV turunun “Qəbələ” - “Rəvan” matçında “Rəvan” klubunun 5 futbolçusu sarı vərəqə ilə cəzalandığı üçün klub 1000 manat cərimə olunur  (maddə 40).