Basketbol
Avro-2018 öncəsi ciddi sınaq: “4 Top Nations”
Futbolxeber.az saytı qalib olduğu AFFA yanında Media Komitəsinin “Futzal” layihəsi çərçivəsində yazılarını davam etdirir. Layihəmizin bu dəfəki yazısı İranda keçiriləcək “4 Top Nations” turnirinə həsr olunub. Ciddi sınaq öncəsi yığmamızın son durumunu nəzərdən keçirəcəyik.
AVROPA ÇEMPİONATI ÖNCƏSİ LAZIMİ TURNİR
Dekabrın 2-dən 7-dək futzal üzrə Azərbaycan milli komandası İranın İsfahan şəhərində təşkil olunacaq “4 Top Nations” ənənəvi beynəlxaq turnirdə iştirak edəcək. Yığmamızla bərabər yarışda meydan sahibi İran, Qazaxıstan və Rusiya milliləri də iştirak edəcək.
Azərbaycan yığması turnirdəki ilk görüşünü dekabr 3-də İrana qarşı keçirəcək. Ertəsi günü millimiz Rusiya ilə üz-üzə gələcək. Turnirdəki son matçında isə Joze Alesionun komandası Qazaxıstanla üz-üzə gələcək.
MEDALÇI RƏQİBLƏR
Turnirin iştirakçılarının siyahısı onu göstərir ki, millimiz üçün bu yarış faydalı olacaq. Çünki əksər hallarda Azərbaycan yığması ciddi sınaq öncəsi güclü rəqiblərlə yoxlama oyunu keçirmək baxımından problem yaşayır. Odur ki, bu dəfə qitə birinciliyinə 2 ay qalmış belə bir yarışın keçirilməsi çox müsbət haldır. Yığmamızın qarşılaşacağı hər 3 rəqib səviyyəsi ilə seçilir. Rusiyanın gücü hər kəsə məlumdur. Şimal qonşularımız daim iddialılardan olublar. Təsadüfi deyil ki, Rusiya yığması son iki böyük turnirdə - həm Avropa, həm də dünya çempionatında final oynayıb.
İran millisi də son mundialın medalçısıdır. DÇ-2016-da yığmamızla eyni qrupda yer alan İran Kolumbiyada üçüncü yerə sahib çıxıb. Qrupda keçirilən Azərbaycan - İran görüşü 3:3 hesabı ilə başa çatmışdı. Amma həmin nəticə millimizə daha çox sərf edirdi. Çünki bu halda millimiz 1/8 finala qrup ikincisi kimi yüksəldi və Taylanda rəqib oldu. İran isə üçüncü olmaqla 1/8 finalda Braziliya ilə üz-üzə gəldi. Lakin sensasiyaya imza atan İran yığması dünyanın ən güclüsü hesab olunan Braziliyanı məğlub etməklə adından söz etdirdi. Yekun Azərbaycan yığması mübarizəni 1/4 finalda dayandırdığı halda, İran mundialın bürünc medalını qazandı.
Dünya çempionatında Azərbaycan millisi kimi mübarizəni 1/4 finalda dayandıran Qazaxıstan yığması da son Avropa çempionatında üçüncü olub.
HAZIRLIĞA 17 OYUNÇU İLƏ
İranda keçiriləcək turnir öncəsi noyabrın 28-dən dekabrın 1-nə qədər Bakıda Azərbaycan yığmasının təlim-məşq toplanışı keçiriləcək. Baş məşqçi Joze Alesio 4 günlük hazırlıq prosesinə 17 oyunçu dəvət edib. Yığmaya aşağıdakı oyunçular dəvət alıb:
Samir Həmzəyev - EKOL
Emin Kürdov - EKOL
Rövşən Hüseynli - Araz
Anar Məmmədov - Araz
Xətai Bağırov - Araz
Rizvan Fərzəliyev - Araz
Eduardo Mello Borges - Araz
Everton Kardosa - Araz
Karvalho Vilela dos Santos - Araz
Thiaqo Teles Martins - Araz
Qabriel Bastos - Araz
İsa Atayev - Araz
Ramiz Çovdarov - Araz
Villiams Oliveira do Nascimento - Al Dhafra, BƏƏ
Renat Sultanov - Marafon Futsal
Seymur Məmmədov - Marafon Futsal
Nihad İsmayılov - FK.İD.Futsal
ALESSİO “VAXTIMIZ AZDIR” DEYİR
Dekabrın 2-dən 7-dək İranın İsfahan şəhərində təşkil ediləcək “4 Top Nations” beynəlxal turnir öncəsi milli komandamızın baş məşqçisi Joze Alesio Da Silva Bakı İdman Sarayında bu gün media üçün brifinq keçirib.
Millimizin baş ilk öncə turnirə hazırlıqdan danışıb: “Hazırlığa 3 gün əvvəl başlamışıq. Təbii ki, vaxtımız azdır. Bu, Avropa çempionatı öncəsi ilk təlim-məşq toplanışımızdır. Amma əlimizdən gələni edəcəyik. Qarşıda bizi çox ciddi turnir gözləyir. Çünki İranda aparıcı ölkələrin yığmaları ilə üz-üzə gələcəyik. Müsbət məqam odur ki, yığma “Araz”ın bazasında formalaşıb. Digər klublardan da oyunçular dəvət etmişik. Hansılar ki, özlərini çempionat oyunlarında yaxşı tərəfdən göstəriblər. Yenilərə komandanın sistemini izah edirik. Necə hücum etmək lazım gəldiyini, müdafiə olunmağın yollarını. Hələ ki hər şey yaxşı gedir. Narazı qaldığım hansısa məqam yoxdur”.
Yığmamızın çalışdırıcısı heyətlə bağlı da danışıb: “Hazırlıq üçün 17 oyunçuya dəvət göndərmişik. Bəzi oyunçular var ki, çempionat oyunlarında özlərini yaxşı tərəfdən göstərdikləri üçün yığmaya ilk dəfə dəvət alıblar. Həmin oyunçuları məşqlərdə də izləməliyəm. Bu gün və sabah məşqimiz var. Yalnız Bakıdakı hazırlığımızı başa vurduqdan sonra yekun heyəti müəyyənləşdirəcəyəm. Yəqin ki, sabah İran turnirinə yollanacaq 14-lüyü biləcəksiz. 3 oyunçu kənarda qalacaq”.
“VİTALİ BORİSOV ÖZÜ MİLLİYƏ QOŞULMAQ İSTƏMƏDİ”
Alessionun yığmaya dəvət etdiyi oyunçular sırasında yalnız 1 legioner var. Söhbət Birləşmiş Ərəb Əmirliklərinin “Al Dhafra” klubunda çıxış edən Villiams Oliveira Do Nascimento, yaxud qısaca Vassouradan gedir. Legioner həyatı yaşayan yığmamızın milliləşdirilmiş üzvü İrandakı turnirdə də əsas ümidlərdəndir. Alesio Vassouranun milliyə hansı səviyyədə qoşulmasından da söhbət açıb: “O, komanda normal vəziyyətə qatılıb. Bizimlə birgə 3 məşq edib. Hazırlıq prosesində də özünü yaxşı tərəfdən göstərir. Fiziki cəhətdən də yaxşıdır. Yəni əvvəlki ilə müqayisədə durumunda hər hansı dəyişiklik yoxdu. Məni qane edir”.
Yığmaya dəvət almayanlardan biri Vitali Borisovdur. Aparıcı oyunçunun yoxluğu sürpriz oldu. Millimizin çalışdırıcısı bu məsələyə də aydınlıq gətirib: “Vitalini özümüz milliyə dəvət etmədik. Daha doğrusu, o özü millidən kənarda qalmaq istədi. Çünki komandası ilə birgə UEFA Kubokunun Elit raundunda çətin oyunlar keçirib. 3 ağır görüşdən sonra yorğun olduğunu söylədi. Elit raund cəmi 3 gün əvvəl başa çatıb. Bir qədər istirahətə ehtiyac duyur. Üstəlik, kiçik zədəsi də var. Bütün bunları nəzərə alaraq, bizdən vaxt istədi. Təbii ki, Borisov gələcəkdə milliyə kömək edəcək. Vitali çox yaxşı oyunçudur. Ona inamım böyükdür”.
“Araz”ın heyətinə mövsüm öncəsi qoşulan braziliyalılardan bəzilərinin müqaviləsi ilin sonunda bitir. Azərbaycan Futzal Federasiyasının prezidenti Zaur Axundov bir neçə gün əvvəl mətbuata açıqlamasında həmin legionerlərlə vidalaşacaqlarını qeyd edib. Lakin yığmamızın çalışdırıcısı bu fikirlə razı deyil: “Bəli, onların müqavilələri dekabrda başa çatacaq. Amma yekun qərar verilməyib. Daha əvvəl də demişəm ki, onların adaptasiya dövrü çətin keçdi. Bu 3 ay ərzində çətinliklə üzləşdilər. Lakin mən gələcək karyeraları ilə bağlı yekun sözümü deməmişəm. Əgər özlərini İrandakı turnirdə yaxşı tərəfdən göstərə biləsələr, qalacaqlar. Onlarla müqavilənin yenilənməsi mümkündür”.
“GÜCLÜ RƏQİBLƏRLƏ OYUNLARA EHTİYACIMIZ VAR”
Millimizin baş məşqçisi yekunda turnirdək gözləntiləri haqda danışdı. Alesio vurğuladı ki, bu turnir komandamız üçün çox faydalı olacaq: “Bu turnir bizim üçün çox faydalıdır. Güclü rəqiblərlə çətin oyunlara ehtiyacımız var. Rusiya çox güclü rəqibdir. Komanda Avropa çempionatında və dünya birinciliyində ikinci yeri tutub. Qazaxıstan son Avropa, İran isə dünya üçüncüsüdür. Bizi çox gərgin oyunlar gözləyir. Praktika baxımından bu turnir bizim üçün faydalı olacaq”.
Alesio gələcək planlardan da söz açıb: “Yanvarın 20-i üçün daha bir təlim-məşq toplanışımız olacaq. Amma hazırlığın ölkə daxilində, yaxud xaricdə olacağı hələ qətiləşməyib. Nə olur olsun, yanvarda mütləq toplanış keçməkiyik. Elə oyunçular var ki, onları iş başında izləməliyəm. Bunun üçün də toplanış mühümdir. Bu haqda AFFA-nın baş katibi Elxan Məmmədovla, eləcə də Zaur Axundovla danışmışıq”.
“İLKİN MƏQSƏD QRUPDAN ÇIXMAQDIR”
Brifinqdə millimizin baş məşqçisi ilə yanaşı, kapitan Rizvan Fərzəliyev də iştirak edib. Təcrübəli oyunçu hazırlığın gedişatı, turnir barədə fikirlərini bölüşüb: “Ayın 28-dən məşqlərə başlamışıq. Elə gün olur ki, 2 dəfə məşq edirik. Toplanış çox yaxşı keçir. Qarşıda bizi ciddi turnir gözləyir. İranda meydan sahibləri ilə yanaşı, Qazaxıstan və Rusiya ilə üz-üzə gələcəyik. Bu yarış bizim üçün çox önəmlidir. Yanvarın sonunda Avropa çempionatında mübarizə aparacağıq. Qitə birinciliyində uğur qazanmaq üçün əlimizdən gələni edəcəyik”.
“Bu heyət Avropa çempionatında uğur qazanmaq üçün kifayət edəcəkmi” sualını Fərzəliyev belə cavablandırıb:
“Deməzdim ki heyətiomiz zəifdi. Komandada yeni oyunçular da var. İnanıram ki, özlərini yaxşı tərəfdən göstərəcəklər. Ən önəmlisi odur ki, bu turnirdə baş məşqçi oyunçuları istədiyi kimi yoxlaya biləcək. Kim hazır olsa, özünü ən yaxşı tərəfdən göstərsə, o da Avropa çempionatına yollanacaq”.
Millimizin kapitanı sonda qeyd edib ki, Avropa çempionatında ilk məqsədləri qrupdan çıxmaqdır:
“Avropa çempionatında İspaniya və Fransa ilə eyni qrupda yer almışıq. İlkin məqsəd ən azından qrupdan çıxmaqdır. Hər iki görüşdə qələbə qazanmaq istəyirik. Düzdür, İspaniya millisinin gücü hər kəsə məlumdur. Dünya çempionatında onlara uduzsaq da, layiqli müqavimət göstərmişdik”.
Hazırladı: İBRAHİM
“Layihə AFFA Yanında Media Komitəsi tərəfindən maliyyələşdirilir”
Şərh yazılmayıb
|
ŞƏRH YAZ
|
Çox oxunan xəbərlər
- "Neftçi”dən AFFA-ya növbəti transfer reallaşdı - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- AFFA İcraiyyə Komitəsinin üzvü: “Hələlik çempionatda 10 komanda qalmalıdır”
- AFFA “sıfırlandı” - QEYD
- Azərbaycan Premyer Liqasının son 2 turunda əcnəbi hakimlər - EKSKLÜZİV
- Asif Məmmədov: “Kimsə bunu sübut etsə, üzr istəməyə hazıram”
- Bir fotonun qorxusu... - QEYD
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- “Qarabağ”ın mükafatlandırma mərasiminin yeri və məkanı dəyişdi - ÖZƏL
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Azərbaycan Premyer Liqasında komanda sayı artırılmadı
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
- “Neftçi”də Emin Mahmudovun “torbası tikilir”?
- İcraiyyə Komitəsinin üzvü: “İclasın 4 saatdan çox çəkməsi gərgin müzakirələrlə bağlı deyil”
-
15:21
Azərbaycanın üçqat dünya çempionu: "Bu nəticəni gözləyirdim"
-
15:00
Aydın Bayramov: “Qarabağ”a 3 qol vurub, yekunda uduzmaq adama çox pis təsir edir”
-
14:43
Həndbol millimiz Özbəkistandakı turnirdə üçüncü qələbəsini qazanıb
-
13:52
Azərbaycan ilk dəfə xizək alpinizmi üzrə Dünya Kubokuna ev sahibliyi edəcək
-
13:19
Lamiyə Vəliyeva dünya çempionu oldu
-
12:36
Premyer Liqamızda 35-ci turun əcnəbi VAR hakimləri açıqlandı
-
12:08
Şahruddinin komandası "Antalyaspor"a uduzdu VİDEO
-
11:45
Azərbaycan Premyer Liqasında medallar uğrunda 3 vacib oyun
-
11:27
Azərbaycan boksçuları Macarıstandakı turniri iki medalla başa vurublar
-
10:54
Peşəkar Çövkən Liqasında 10 komanda mübarizə aparacaq
-
10:31
“Heydər Əliyev Kuboku-2024”: Azərbaycanın daha 9 boksçusu finala yüksəlib
-
10:13
Azərbaycanın 5 güləşçisi Avropa çempionatının finalında
-
10:00
Leandro Andrade transfer məsələsində son nöqtəni qoydu: "Qarabağ"da qalmaq istəyirəm"
-
09:42
"Fiorentina" - "Napoli" oyununda 4 qollu heç-heçə VİDEO
-
23:34
Qurban Qurbanov: “Mənim "Qarabağ"la hələ 1 illik müqaviləm var"
-
23:22
Ayxan Abbasov: "Bizdə fitnes zalı kiçik olur, yeməkxana böyük"
-
23:00
"Qarabağ" - "Turan Tovuz" matçında 7 qol VİDEO
-
22:19
"Qarabağ" "Turan Tovuz" üzərində çətin qələbə qazandı
-
19:55
“Neftçi” “Səbail” önünə 4 itki ilə çıxacaq
-
19:26
"Qarabağ" - "Turan Tovuz": Heyətlər açıqlandı
-
18:03
Azərbaycan cüdoçuları Avropa Kubokunda iştirak edəcəklər
-
17:41
Bakıda atletika üzrə lisenziya xarakterli ölkə çempionatı start götürüb
-
17:28
Azərbaycan Voleybol Federasiyası Gəncədə toplanış təşkil edib
-
17:19
I Liqada son turun oyunları eyni gündə, eyni saatda
-
16:57
Millimizin Gürcüstanla yoldaşlıq oyunları ləğv edildi
-
16:14
"Üçüncü yer uğrunda ikinci matç daha çətin olacaq"
-
15:42
“Qarabağ” akademiyasının komandaları Qətərdə toplanış keçəcək
-
15:35
AFFA prezidenti UEFA-nın İcraiyyə Komitəsinin üzvü ilə görüşüb
-
14:26
I Liqada çempionun mükafatlandırma vaxtı müəyyənləşdi
-
13:58
PFL: Azərbaycan çempionlarına yeni kubok və medallar təqdim ediləcək VİDEO
-
13:31
"İmişli"nin futbolçusu 5 oyunluq cəzalandırıldı
-
13:00
Həndbol millimiz Özbəkistanda növbəti qələbə
-
12:43
XXXV turun hakim təyinatları
-
12:29
Millimiz 3-cü səbətdə
-
12:15
Lunyov: "Qarabağ"la yeni müqaviləni müzakirə edirik"
-
11:57
ABŞ-nin 14 güləş mütəxəssisi Azərbaycanda səfərdədir
-
11:44
Azərbaycanın 7 boksçusu finalda
-
11:06
"İmişli"dən gözlənilməz məğlubiyyət VİDEO
-
10:52
Güləş millimiz Avropa çempionatının qalibi olub
-
10:38
Lopez "Barselona"ya qələbə qazandırdı VİDEO
-
10:23
Azərbaycanın iki boksçusu Macarıstandakı turnirdə finala yüksəlib
-
10:11
Musanın komandasından darmadağın VİDEO
-
09:59
Rövşən Nəcəf Aleksander Çeferinlə görüşdü
-
09:47
"Qaradağ-Lökbatan" - "Şamaxı" matçında 5 qol VİDEO
-
09:30
"Traktor" kubokla vidalaşdı
-
21:16
Vüsal İsgəndərlinin komandası Superliqaya yüksəlmək şansını itirdi
-
20:08
“Şamaxı”nın baş məşqçisi: “Tarixdə yaxşı və ya pis oyun yox, nəticə qalır”
-
18:59
“Şamaxı” zirvəyə yüksəldi
-
18:22
AFFA "Turan Tovuz"un şikayətini təmin etmədi
-
18:01
“Turan Tovuz” nümayəndələrinin Niderlanda səfəri başa çatıb FOTOLENT