22 Yanvar 2019, Çərşənbə axşamı
"Sabah"dan məhsuldar heç-heçə
"Zirə" macarları məğlub etdi
“Sumqayıt” “Vardar”a qalib gəldi
Balayev Qazaxıstanda oynayacaq?

Xarici futbol

“Golden Foot”un yeni sahibi “Antalyaspor”lu oldu

DASAYEV, PASSARELLA, HACI VƏ TREZEGE DƏ MÜKAFATLANDIRILDILAR

Ötən həftə Monako Knyazlığında “Golden Foot”un (“Qızıl ayaq”) 13-cü dəfə təşkil olunan ənənəvi mükafatlandırma mərasimi baş tutub. Futbolxeber.az-ın məlumatına görə, üçüncü dəfə sözügedən mükafata Türkiyə çempionatında çıxış edən futbolçu layiq görülüb. “Antalyaspor”un kamerunlu hücumçusu Samuel Eto’o 2015-ci ilin “Golden Foot”una sahib çıxıb. 34 yaşlı futbolçunun karyerasına nəzər salsaq, iki dəfə “Barselona” (2006, 2009), bir dəfə də “İnter”lə (2010) Çempionlar Liqasının, bir dəfə “İnter”lə (2010) klubların dünya çempionatının, Kamerun millisi ilə iki dəfə Afrika Millətlər kubokunun (2000, 2002) və bir dəfə Olimpiya Oyunlarının (2000) qalibi olduğunu, dörd dəfə Afrikanın ən yaxşı futbolçusu seçildiyini (2003, 2004, 2005, 2010), bir dəfə isə dünyanın ən yaxşı futbolçusu seçimində 3-cü yeri tutduğunu (2005) görərik.

Eto’odan başqa, keçmiş məşhur futbolçulardan SSRİ yığma komandasının və “Spartak”ın sabiq qapıçısı Rinat Dasayev, iki qat dünya çempionu olan (1978, 1986) yeganə argentinalı Daniel Passarella, “Real”, “Barselona” və “Qalatasaray”da oynamış əfsanəvi rumıniyalı Georghe Haci və Fransa millisi ilə 1998-ci ildə dünya, 2000-ci ildə Avropa çempionluğunu qazanan David Trezege isə Monakoda “Futbol əfsanəsi” kimi mükafatlandırılıblar.

Monako şahzadəsi II Albertin himayəsiylə təsis edilən «Golden Foot» idmandakı nailiyyətlərinə, şəxsiyyətinə görə digərlərindən fərqlənən, yaşı 28-dən yuxarı futbolçulara verilir və onu yalnız bir dəfə qazanmaq olar. Mükafatın tərkibində 140 qram qızılın olduğu bildirilir.

Həmçinin «Golden Foot»un sahibi və “Futbol əfsanələri” Monako Knyazlığındakı dəniz sahilində yerləşən “Çempionlar sahili”ndə (“Champions Promenade”) öz ayaq (qapıçılar - əl) izlərini qoyurlar.

Ümumiyyətlə, 2003-cü ildə təsis edilən «Golden Foot» uğrunda mübarizədə İtaliya və Braziliya təmsilçilərinin üstünlüyü var. İndiyə kimi bu mükafata 3 italiyalı (Roberto Bacco, Alessandro Del Pyero, Françesko Totti) və 3 braziliyalı (Ronaldo, Roberto Karlos, Ronaldinyo), həmçinin hərəyə bir dəfə çexiyalı (Pavel Nedved), ukraynalı (Andrey Şevçenko), uelsli (Rayan Giqqs), isveçli (Zlatan İbrahimoviç), kot d’ivuarlı (Didye Droqba), ispaniyalı (Andres İnyesta) və kamerunlu (Samuel Eto’o) sahib çıxıb. Klublara gəlincə, «Golden Foot»u hərəyə 2 dəfə “Yuventus” və “Milan”ın, 1 dəfə isə “Real”, “Breşiya”, “Fənərbağça”, “Roma”, “Mançester Yunayted”, “Paris SG”,  “Qalatasaray”, “Barselona” və “Antalyaspor”un oyunçuları qazanıblar.

“Futbol əfsanəsi” kimi mükafatlandırılan keçmiş məşhur futbolçuları (Maradona, Pele, Zidan, Eusebio, Bekkenbauer, Platini, Kantona, Valderrama və b.) da nəzərə alsaq, indiyədək 80-ə yaxın şəxsin mükafanlandırıldığını da qeyd edək.

Yeri gəlmişkən, Monakodakı tədbirdə Azərbaycanı «Golden Foot»un münsiflər heyətinin üzvü Rasim Mövsümzadə təmsil edib.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31





Click to Visit