"Azərreyl"in üzvü: "Hədəfimiz pley-offda uğurumuzu davam etdirməkdir"

"Hədəfimiz pley-offda uğurumuzu davam etdirməkdir".

 

Futbolxeber.az saytının məlumatıan görə, bunu "Azərreyl"in voleybolçusu Benda Qabrielle "Murov Az Terminal"a 3:1 hesabı ilə qalib gəldikləri Azərbaycan çempionatının XVIII turunun oyunundan sonra klubun mətbuat xidmətinə açıqlamasında deyib.

 

Oyunçu qarşılaşmanın çox çətin keçdiyini bildirib: "Rəqibin güclü müqavimət göstərəcəyini bilirdik. Hər bir komanda yoldaşımla qələbə uğrunda apardıqları mübarizədən dolayı qürur duyuram. Məqsədimiz komanda ruhunda qalmaq, müsbət enerjini davam etdirmək və bir olmaqdır. Hesab edirəm ki, bu gün bu birliyi nümayiş etdirə bildik. İndi bu bütünlük ruhunu davam etdirməyi, növbəti oyunlarda da qalib gəlməyi və turnir cədvəlindəki yerimizi qorumağı düşünürük".

 

Qeyd edək ki, "Azərreyl" 45 xalla birinci pillədə qərarlaşıb. İkinci sıradakı "Murov Az Terminal"ın 37 xalı var.