13 Dekabr 2019, Cümə
“Qəbələ”nin qapıçısına sərt cəza
Özbəkistanlı yarımmüdafiəçi "Keşlə"də
Məmmədov Dadaşlinskinin qonağı oldu
"Neftçi"nin 5 üzvü rəmzi komandada

Futzal

Zaur Axundov: “Məqsədimiz dünya çempionatına vəsiqə qazanmaqdır”

Azərbaycan Futzal Federasiyasının prezidenti Zaur Axundov gələn il Litvada keçiriləcək futzal üzrə dünya çempionatının Elit Raundunun püşkatmasını dəyərləndirib.

Futbolxeber.az saytına açıqlamasında Z.Axundov qeyd edib ki, bu mərhələdə hansısa rəqibi zəif adlandırmaq olmaz:

“Elit Raundakı rəqiblərin hamısı bizə tanışdı. Rusiya millisi ilə bu yaxınlarda görüşmüşdük. Slovakiya ilə seçmə mərhələdə rəqib idik. Xorvatiya haqda da məlumatımız var. Rəqiblər güclüdürlər və mübarizə çox gərgin keçəcək. Artıq bu mərhələdə hansısa komandanı zəif adlandırmaq qeyri-mümkündü. Bunu siz də bilirsiniz”.

Rəqiblər güclü olsa da, Zaur Axundov qeyd edib ki, millimizin məqsədi yenidən dünya çempionatında çıxış etməkdir:

“Təxminən 2 ay vaxtımız var. Komandamız bu mərhələyə istədiyi kimi hazırlaşacaq. Təlim-məşq toplanışları keçiriləcək. Heyətlə və hazırlıq planı ilə bağlı baş məşqçimiz çalışır. Məqsədimiz dünya çempionatına vəsiqə qazanmaqdı. Komanda qarşıya qoyulan həfədə çatmaq üçün bütün gücünü səfərbər edəcək”.

Xatırladaq ki, 27 yanvar-5 fevral tarixlərində keçiriləcək Elit Raunda millimizin yer aldığı qrupun oyunları Xorvatiyada keçiriləcək. Meydan sahibləri ilə yanaşı, Rusiya və Slovakiya ilə mübarizə aparacaq yığmamız mundiala vəsiqə qazanmaq üçün qrupda birinci yeri tutmalıdır. Komandamız qrup ikincisi olsa, o zaman dünya çempionatına yüksəlmək üçün D qrupunun ikincisi ilə pley-offda qarşılacaq. D qrupunda Qazaxıstan, Sloveniya, Rumıniya və Çexiya mübarizə aparacaq. Qrupa Çexiya ev sahibliyi edəcək.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31