ETOPAZ - uduşun təminatı!

“Qanunsuz mərc oyunları ilə bağlı yenə zərərçəkənlərdən müraciətlər gəlir. Bu platformalar uduşlar böyüyəndə əsassız səbəblərlə oynayanların pulunu vermirlər... Qanunsuz platformalarda mərc etmək qadağandır və inzibati xətadır. 3000 manat cəriməsi var iştirakın. Bu platformalar konkret ölkədə olan pulu xaricə sovurur. Bu məsələdə aidiyyəti qurumlar sərt addımlar atmalıdır”.

Bu paylaşımı tanınmış texnobloger Fərid Pərdəşünas bir neçə gün əvvəl sosial şəbəkə hesabında edib. Həqiqətən də son zamanlar xarici bukmeyker kontorlarından narazıların sayı artıb. Uduzulan böyük məbləğlərin qarşılığında orta uduşları belə əldə etmək mümkün olmur. Bunda günahın bir hissəsi də həmin kontorlarda mərc edən vətəndaşlardadır. Ölkədə qanuni mərc şirkətləri olduğu halda, xarici kontorlara nə gərək var?

Azərbaycanın ilk qanuni mərc operatoru TOPAZ, yaxud “BAL LİNE” şirkətinin rəsmi ticarət markası olan ETOPAZ hər bir mərc həvəskarının güvənli uduş yeridir. Fəaliyyətdə olduğu uzun illər ərzində bu günə qədər bu şirkətlə bağlı hər hansı bir narazılıq eşidilməyib. Yəni kimsə “uddum, amma ETOPAZ pulu vermədi” deyə bilməz.

Çox uzağa getməyək. Ötən ilin oktyabrının sonlarında saytlarda, sosial şəbəkələrdə “Bakıda inanılmaz uduş” başlıqlı xəbər gündəm oldu. Eşitməyənlər üçün xatırladaq ki, həmin vaxt ETOPAZ-ın müştərisi olan Bakı vətəndaşı 1 manat mərc etməklə 48 min manat qazanmışdı. Xeyr, rəqəmlərdə hər hansı yanlışlıq yoxdu. Həmin şəxs həqiqətən də 1 manata 48 min, lap konkretləşdirsək, 48029 AZN qazanc əldə edib. 17 qarşılaşmanın nəticəsini doğru təxmin edən müştəri böyük məbləğdə uduşun sahibi olub. Bu cür nümunələrin sayı çoxdur. ETOPAZ-ın sosial şəbəkə hesablarında hər həftə böyük məbləğdə uduşların fotoları paylaşılır.

Üstəlik, şirkət dövlət büdcəsinə də xeyir verir. Hər il ETOPAZ tərəfindən kifayət qədər böyük məbləğdə vergi, sosial ödənişlər yerinə yetirilir. Özü Qarabağ Dirçəliş Fonduna ianə etməklə kifayətlənməyən ETOPAZ maraqlı bir addım da atıb. Belə ki, VİP müştərilərinin ad günlərində ETOPAZ istəyə uyğun olaraq həm də onların adından Qarabağ Dirçəliş Fonduna ianə edir. Bir çox sosial layihələrə qatılan “BAL LİNE” şirkətinin rəsmi ticarət markası olan ETOPAZ idman mətbuatına da böyük diqqət ayırır. Bu gün 10-dan artıq saytla əməkdaşlıq edən ETOPAZ tez-tez jurnalistlərin xarici oyunlara səfərlərini də təşkil edir. İstər Qətərdə keçirilən son dünya çempionatı olsun, istər milli komandamızın səfər oyunları, istər “Qarabağ”ın avrokuboklarda rəqib meydanında keçirdiyi qarşılaşmalar olsun, fərq etmir. Şirkətin idman mediasına bu cür diqqətlə yanaşması heç də səbəbsiz deyil. Belə ki, “BAL LINE” şirkətinə Azərbaycanın tanınmış idman şərhçisi olmuş, iş adamı Altay Əliyev rəhbərlik edir.

Bu gün - martın 1-də ETOPAZ-ın 12 yaşı tamam olur. Biz də Futbolxeber.az saytı olaraq başda Altay Əliyev olmaqla şirkətin rəhbərliyini və kollektivini 12 yaş münasibəti ilə təbrik edir, işlərində daha böyük uğurlar arzulayırıq.

12 yaşın mübarək, mətbuatın dostu!

İBRAHİM