“Sumqayıt”dan şad xəbər: Zədəlilərdən ikisi qayıtdı

Antalyada məşqlərini davam etdirən “Sumqayıt”ın zədəli futbolçularından ikisi sıraya dönüb.

Futbolxeber.az saytına bu barədə klubun mətbuat xidmətinin rəhbəri Zaur Xudiyev məlumat verib.

O qeyd edib ki, bir müddət əvvəl əməliyyat olunan İsa Suliman və Kasimir Ninqa artıq məşqlərə başlayıb.

Klub rəsmisi komandada vəziyyətin qaydasında olduğunu bildirib: “Artıq 3 gündür Antalyadayıq. Legionerlər də düşərgəyə qoşulublar. Məşqlərimiz qaydasında keçir. Komandadan heç kim ayrılmayıb. Eləcə də düşərgəyə qoşulan yeni futbolçu yoxdur. Baş məşqçimizin də dediyi kimi, hazır oyunçu olsa, heyətə qatacağıq”.

Z.Xudiyev əlavə edib ki, əməliyyat olunan digər iki futbolçu - Vüqar Mustafayev və Kristian Velinovski hazırda bərpa prosesi keçirlər. Onların nə vaxt komandaya qoşulacaqları hələ məlum deyil.