27 Yanvar 2020, Bazar ertəsi
“Qəbələ”dən məhsuldar heç-heçə
“Qarabağ”dan 1 gündə 2 məğlubiyyət
Millimizdən ardıcıl ikinci qələbə
“Zirə”də moldovalı yarımmüdafiəçi

Ölkə futbolu

Ramin Musayev: “Zirə”nin oyunundan razı qaldım”

"Zirə"nin Avroliqanın I təsnifat mərhələsinin ilk oyununda Lüksemburqun "Düdelanj" klubunu 2:0 hesabı ilə məğlub etdiyi görüşü stadiondan izləyənlər arasında Peşəkar Futbol Liqasının prezidenti Ramin Musayev də var.

Futbolxeber.az saytının məlumatına görə, qarşılaşmadan sonra R. Musayev jurnalistlərin suallarını cavablandırıb. O, ilk öncə “Zirə”nin qələbəsini şərh edib:

- Sevindirici haldır ki, “Zirə” avrokuboklarda ilk oyununda qalib gəldi. Düzdü, oyunda futbolçular arasında anlaşılmazlıq olurdu. Bu da təbii haldır. Komandaya yeni futbolçular gəlib. “Zirə” daxili çempionatda tamamilə fərqli komanda olacaq. Bu gün yeni transfer Kervan Belforun oyununu xüsusi qeyd edərdim.

- Amma “Zirə” bu heyətlə Premyer Liqada oynaya bilməz…

- Təbii ki, olmaz. Ayxan Abbasova uğurlar arzu edirəm. Çoxları deyirdi ki, “Zirə” yaxşı oyun göstərə bilməyəcək. Lakin Ayxan Abbasov sübut etdi ki, komanda hazırdır. Ayxan öz balamızdır, ona yalnız uğurlar. Oyundan razı qaldım.

- Klublarımızdan avrokuboklarda hansı nəticəni gözləyirsiz?

- İstəyirəm ki, klublarımız qalib gəlsin. Amma bu, futboldur. Nəsə demək çətindir.

- Premyer Liqaya nə vaxt start veriləcək?

- Avqustun ortalarında.

- I Divizionla bağlı vəziyyət nə yerdədir?

- Siyahıda 10 komanda var. Yeni komanda “Binə” çox həvəslidi. Bütün standartlara uyğun gəlirlər.

- Söz-söhbət gəzir ki, “Şəmkir” dağılacaq. Qərb təmsilçisi I Divizionda oynayacaq klublar arasında var?

- Bizə müraciət edilməyib. Məktub yollanmayıb. Püşkatma gününə qədər təklifləri gözləyəcəyik. Sentyabrın ortasında çempionat başlayacaq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31