“Bu qələbə bizə çox lazım idi”

“Simurq” yaxşı komandadır. Evdə daim yaxşı oynayıblar. Bu dəfə də bizə güclü müqavimət göstərdilər”. Futbolxeber.az saytına verdiyi açıqlamada bu sözləri “Qarabağ”ın üzvü Vüqar Nadirov deyib.

“Simurq”u 3:2 hesabı ilə məğlub etdikləri oyun haqda danışan Nadirov, öz oyununu da dəyərləndirib: “Bu qələbə bizə çox lazım idi. Sevinirəm ki, istəyimizə çatdıq. Əsas odur ki, qələbə qazandıq. Bu matçda da qol vurmağı, komandama kömək etməyi çox istəyirdim. Ehtiyatda qalmağım məşqçinin qərarı idi. O nə zaman məsləhət bilsə, meydana çıxmağa hazıram”.