30 May 2020, Şənbə
Klublar Komitəsinin iclası olacaq
Azərbaycanda futbolsuzluq başa çatır
“Qarabağ"da bosniyalı yarımmüdafiəçi?
“Qəbələ”dən ardıcıl 5-ci çempionluq

Ölkə futbolu

Sabiq “Borussiya”lı: “Azərbaycan millisinə dəvət almaq istəyirəm”

Azərbaycan Premyer Liqasında 2014/2015 mövsümünə hazırlaşan "Sumqayıt" Futbol Klubu yeni mövsüm üçün növbəti transferini həyata keçirib. Futbolxeber.az-ın klubun rəsmi saytına istinadən verdiyi məlumata görə, komanda Azərbaycan əsilli futbolçu, son olaraq "Berliner Ak" klubunda çıxış etmiş Kiyan Sultanpurla rəsmi ikiillik müqaviləyə imza atıb. Artıq komandaya qoşulan Sultanpur klubun rəsmi saytına ilk təəssüratlarını açıqlayıb: "Əslən azərbaycanlı olduğumu qeyd etməliyəm. Doğma nənəm Bakı şəhərində anadan olub və sonralar Cənubi Azərbaycana köçüblər. Nənəm və valideynlərim doğma dilimizdə sərbəst danışa bilirlər. Azərbaycanlı olduğumu bildiyimdən bura haqqında kifayət qədər məlumata malikəm. Yaxın dostum Pərdis Fərcad-Azaddan Azərbaycan futbolu və Sumqayıt haqqında çox şey eşitmişəm. Klubun rəhbərliyi mənimlə əlaqə saxlayanda çox sevindim. Azərbaycana gəlməyi çox istəyirdim. Bu səbəbdən razılıq əldə olunduqdan sonra dərhal komandaya qoşuldum. "Qarabağ"la keçirilmiş ilk oyunu canlı izlədim. Məğlub olmağımıza baxmayaraq, gənclərdən qurulmuş döyüşkən kollektivimiz var. Ümid edirəm ki, "Sumqayıt" Futbol Klubunda özümü yaxşı tərəfdən göstərib Azərbaycan millisinə dəvət alaram".

Karyerasına "Union Berlin" klubunun A2 (91 oyun, 54 qol) komandasında başlayan Sultanpur 2011-2013-cü illər ərzində Dortmund "Borussiya"sının A2 komandasının formasını geyinib. O, çıxdığı 22 görüşdə 3 qol vurub. 2013-cü ildə "Saarbrücken" FK-dan "Berliner Ak"a transfer olunan Sultanpur son mövsümdə 27 qarşılaşmada 11 qola imza atıb.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31