7 Aprel 2020, Çərşənbə axşamı
Rüştü Rəcbər xəstəxanadan buraxıldı
Millimizi Di Françesko çalışdıracaq?
“Qəbələ”: 78 penaltidən 61-i qol olub
UEFA: Çempionatlar yekunlaşdırılsın

Ölkə futbolu

“Qarabağ” “Sumqayıt”ı udmağa, Şoliç boş qapıya qol vurmamağa məcbur idi? YAZI

“Qarabağ”ın dünən “Sumqayıt”a uduzması böyük ajiotaj doğurub. Əslində, böyük demək yalnışlıq olardı. Sadəcə, 10-15 qalmaqal axtarışçısı, “radikal”lar bunu geniş müzakirəyə çıxarırlar. Anlamaq çətindir.

Kim deyir ki “Qarabağ” “Sumqayıt”ı udmalı idi? Ağdam klubu buna məcburdu? Niyə, nööööşün? Harda yazılıb ki, Qurban Qurbanovun komandası qarşısına çıxanı məğlub etməlidir? Bəli, “Qarabağ” “Sumqayıt”a uduzdu. Amma bunu “oyunu vermək”lə əlaqələndirmək düzgün olmazdı.

“Qarabağ” meydana yarımcan heyətlə çıxdı. Lap yaxşı elədi. Mövsmü boyu əziyyət çəkən aparıcı futbolçular hər oyunda 90 dəqiqə meydanda olmağa məhkumdurlar? Qurban Qurbanov istədiyi heyəti müəyyənləşdirməkdə, eləcə də gəncləri meydana buraxmaqda azaddı. Həm də futbolçu psixologiyası deyilən bir şey var. Əgər, bu gün “Qarabağ”ın çempionluğu rəsmiləşibsə, nə qədər məcbur etsən də futbolçuları 100 faizlik konsentrasiya ilə meydana buraxa bilməzsən.

“Bavariya” Bundesliqada çempionluğunu rəsmiləşdirdikdən sonra əvvəlcə “Auqsburq”a, daha sonra da “Borussiya”ya uduzdu. Amma Almaniya mətbuatı bunu şişirmədi. Hər kəs bilir ki, bir komanda çempionluğu rəsmiləşdiribsə, qarşıdakı oyunlarda motivasiya baxımından çatışmazlıq olacaq. Bu, 100 faizdi. Heç “Bavariya”nı demirəm, adicə “Fiorentina” Avroliqaya vəsiqəni təmin etdikdən sonra öz meydanında “Sassuolo”ya uduzdu. Deməli, “Fiorentina” “Sassuolo”ya uduzdu ki, onlar “A” seriyasında qalsınlar? Məzəniz olsun! Elxan Məmmədovdan, “Sumqayıt”dan “Qarabağ”a nə? “Sumqayıt” bu mövsüm 4 oyundan 2-sində “Neftçi”ni məğlub edib. Buna nə deyirsiz? “Neftçi” də oyunu satıb?

1-2 cümlə də Aleksandr Şoliçdən yazmasam, günah olar. Xorvat futbolçunun dünənki oyunda AZAL-ın qapısından keçirdiyi qol geniş müzakirə mövzusudur. Nə var, nə var həmin epizodda AZAL-ın qapıçısı yerdə qalıb. Qalmazdı, kim ona dedi ki yerə yıxılsın? Şoliç həmin epizodu görməyə, ya da boş qapıya qol vurmamağa borclu idi? Onun yerində kim olsaydı eyni şeyi edərdi. Heç kim deməsin ki “biz vurmazdıq”.

Elə həmin AZAL-ın çempionluq uğrunda mübarizə aparan “Bakı”ya illər öncə “Şəfa”da vurduğu qolu nə tez unutduz? Niyə bu gün bir adam Junivanın “Bakı”nın qapısından keçirdiyi topu, Mahir Şükürovun autdan etdiyi hərəkəti xatırlamır? Bəli, bu, həmin AZAL-dı. Sizin dediyiniz (yazdığınız) kimi “fair-play”a tüpürən komanda. Ona görə deyiblər də, bu dünyanın qisası qiyamətə qalmaz.  

Şahin ZÜLFÜQAROV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30