FİFA İspaniyanın qələbəsini qəbul etmədi

Noyabrın 16-da yoxlama oyunu çərçivəsində keçirilən Ekvatorial Qvineya - İspaniya (1:2) matçının nəticəsi FİFA tərəfindən tanınmayıb. Futbolxeber.az-ın “AS”a istinadən verdiyi məlumata görə, bu səbəbdən ispanlar qələbəyə görə reytinq xalı qazanmayıblar. FİFA-nın belə qərar qəbul etməsi səbəbsiz deyil. Belə ki, sözügedən matçı yerli hakimlər idarə edib. Əslində bu, FİFA-nın qaydalarına zidd deyil. Lakin bir halda ki oyunun təşkilatçıları əvvəldən bu haqda ali futbol qurumunu məlumatlandırsın. Amma Ekvatorial Qvineya tərəfi oyunu yerli hakimlərin idarə edəcəyi barədə əvvəldən FİFA-ya heç bir məlumat verməyiblər.