“Nant” kamerunlu hücumçu ilə gücləndi

“Qarabağ”ın Avropa Liqasının qrup mərhələsindəki rəqiblərindən olan Fransanın “Nant” klubu heyətini yeni futbolçu ilə gücləndirib.

Futbolxeber.az saytının məlumatına görə, Liqa 1 təmsilçisi “Lans”dan İqnatius Qanaqonu transfer edib.

23 yaşlı kamerunlu hücumçu ilə 4 illik müqavilə bağlanıb. “Nant” bu transfer üçün “Lans”a 4.4 milyon avro ödəyib.

Qeyd edək ki, “Qarabağ” “Nant”la sentyabrın 15-də evdə, oktyabrın 27-də isə səfərdə qarşılaşacaq.