Rüfətdən qol və məhsuldar ötürmə

ABŞ birinci liqasında 13-cü turun oyunları keçirilib.

Futbolxeber.az saytının məlumatına görə, Rüfət Dadaşovun çıxış etdiyi “Finiks Rayzinq” növbəti matçına çıxıb.

Komanda öz meydanında “Los Anceles Qalaksi 2” ilə qarşılaşıb. Oyun “Finiks Rayzinq”in böyükhesablı qələbəsi ilə başa çatıb - 5:0.

Start heyətdə meydana çıxan Dadaşov 73-cü dəqiqədə əvəzlənib. Komandasının 2-ci qolunun ötürməsini verən hücumçu növbəti qolu özü vurub. Bu, Dadaşovun yeni mövsümdə 3-cü qoludur.

Qeyd edək ki, hazırda 26 xalı olan “Finiks Rayzinq” Qərb Konfransında liderdir.