Nuriyevin komandası Premyer Liqa ilə vidalaşdı

Ukrayna Premyer Liqasında 25-ci turun oyunları keçirilir.

Futbolxeber.az saytının məlumatına görə,  azərbaycanlı futbolçular - Anatoli Nuriyevlə Rüstəm Əhmədzadənin çıxış etdiyi “Minay” bu turda doğma meydanda Donetsk “Şaxtyor”u ilə qarşılaşıb və 0:4 hesabı ilə uduzub.

Zədə səbəbindən mövsümü erkən başa vuran Nuriyevdən fərqli olaraq Rüstəm oyunun iştirakçısı olub. O, 59-cu dəqiqədə meydana daxil olub.

“Minay”ın bu məğlubiyyətdən sonra elitanı tərk edəcəyi dəqiqləşib. Hazırda 18 xalla sonuncu pillədə olan komanda son turda qalib gəlsə, "Olimpik" uduzsa belə, klublar arasındakı oyunların nəticələrinə əsasən, "Minay" yenə sonuncu pillədə qalacaq.