Xarici futbol
Alessandro Del Pyero: "Həyatda hər şey mümkündür, amma əsl sevgi daimidir"
İtaliya futbolunun canlı əfsanəsi Alessandor Del Pyero "La Gazetta Della Sport"a müsahibə verib. Avstraliyadakı həyatından danışan Aleks eləcə də "A" seriyasının yeni mövsümü haqda proqnozlarını açıqlayıb. Təcrübəli futbolçu bildirib ki, sabiq klubu "Yuventus" ardıcıl üçüncü mövsüm Skudettonu qazanacaq. Del Pyeronun müsahibəsini kiçik ixtisarla təqdim edirik:
- Bilirəm ki, atanıza çox bağlı insansınız. Buna görə də elə ilk növbədə soruşmaq istərdim, Avstraliyada olarkən yəqin ki, atanız Cinonun yoxluğunu hiss edirsiniz?
- Bəli, hiss edirəm. Ümumiyyətlə, atamın daim yanıma olmasını istərdim. Hər zaman onun yoxluğunu hiss edirəm. Bəzi anlarda atam tez-tez yadıma düşür. Bir müddət əvvəl sahildəki küçələrdən birinə mənim adımı verdilər. Bununla bağlı təşkil olunan mərasim zamanı həyatımın müxtəlif dövrlərini əsk etdirən fotolar nümayiş olundu. Orada isə atam yanımda yox idi. Buna görə çox təəəssüfləndim. İstərdim ki, belə gözəl anda o da yanımda olsun.
- Böyük oğlunuz Tobias hansı ölkəni daha çox bəyənir: İtaliyanı, yoxsa Avstraliyanı?
- Onun üçün ölkənin ciddi fərqi yoxdur. Çünki o hər şeydən çox oyanamağı sevir. Bu zaman isə məkanın elə də önəmi yoxdur. Məndən fərqli olaraq, oğlum o qədər də sakit deyil. Əlbəttə, hər şey insanın yaşından aslıdır. Zaman məni də dəyişib. İnanıram ki, eyni proses onun da həyatında baş verəcək. Amma qəlbimin dərinliyində mən hələ də nadinc oğlanam.
- Sidneydə keçirdiyiniz təlim-məşq toplanışı bir qədər fərqli alındı. O mənada ki, hazırlıq prosesinə həm italyan peşəkarlığı - yəni, gündə 2 dəfə məşq, hər bir xırda detalla xüsusi diqqət, eləcə də Avstraliya mentaliteti - ekskursiya, əyləncəli anlar - daxil idi. İtaliyada bu cür hal mümkündür?
- Düşünürəm ki, mümkündür. Amma bu cür hala top-klublarda rast gəlməyimiz çətin məsələdir. Çünki onlar hər mövsümə adət etdikləri şəkildə hazırlaşır. Yeni mövsüm öncəsi çətin ki əyləncə kiminsə yadına düşsün. Lakin aşağı divizion klublarından hər şey ola bilər. Mən gənc məşqçilərə inanıram.
- İtaliyalılarla avstraliyalıların mentalitetləri çox fərqlənir, yoxsa hansısa oxşarlıqlar var?
- Təbii ki, oxşar cəhətlər az da olsa, tapmaq mümkündür. Amma ümumi götürdükdə, 2 millət bir-birindən çox fərqlənir. Avstraliyalıları mən daha çox ingilislərə bənzədirəm. Çünki hər iki ölkədə kobudluq etsən belə, ciddi şəkildə narazılıqla qarşılanmırsan. Amma İtaliyada vəziyyət bir qədər fərqlidir. Bizdə hətta adi künc zərbəsini yerinə yetirilərkən belə, görürsəın ki cərimə meydançasında qarşıdurma yaranır. Taktiki cəhətdən, etiraf edirəm ki Avstraliyada futbolçular çox zəif hazırlaşdırılılar. Həm də burada gənclər komandaları yox səviyyəsindədir.
- Yeni mövsümdə də 1 il əvvəl olduğu kimi kapitanlıq sarğısından imtina edəcəksən? Yoxsa bu dəfə "Sidney" meydana məhz sənin arxanca çıxacaq?
- Komanda yoldaşlarım mənim kapitan olmağımı istəyirlər. Mən də daim kollektivin fikrini dəstəkləyən insan olmuşam. Sarğı rəsmən mənə etibar edilsə, bundan yalnız şad ola bilərəm. Amma burada hər kəsin fikrini bilməliyəm. Çünki məsuliyyət daşıyacağamsa, bunun üçün hamını razılığı olmalıdır. Bununla belə kapitan olsam da, yenə heç nə dəyişməyəcək. Əvvəlki kimi komandamın uğuru üçün əlimdən gələni edəcəyəm.
- İtaliya futbolunun inkişafına nə mane olur? Köhnəlmiş fikirlər, ya acı həqiqətlər?
- İtaliya futbolunda ciddi problemlər var. Baxın. 15 ildə İngiltərə futbolu hansı uğurlara imza atıb? Ya da almanlar son illərdə nəyə nail olublar? Onlar yeni stadionlar tikir, eləcə də köhnələri yeniləyirlər. İnfrastruktura ciddi fikir verirlər. Amma digər ölkələrdə vəziyyət belə deyil. Kifayət qədər problemlər var. "Reyncers"ə diqqət yetirək. Klubun möhtəşəm tarixi olsa da, komanda gözlənilmədən müflis oldu və indi hər şeyə sıfırdan başlayırlar. Hətta 1990-cı ildə İtaliyada keçirilən dünya çempionatı da ölkəyə ciddi fayda vermədi. İtaliya futbolunda redikal dəyişikliklərə ehtiyac var.
- Deyirlər ki, karyeranı bitirib-bitirməmək haqda dekabrda qərar qəbul edəcəksən. Bu, düzdür?
- Mən demişdim ki, yeni il bayramından sonra bu haqda qərar qəbul edəcəyəm. Həmin tarixdən növbəti mövsümün startına qədər isə xeyli vaxt var. Cari mövsüm başa çatsın, daha sonra il də oynayıb-oynamayacağım haqda götür-qoy edəcəyəm. Amma ola bilər ki yekun qərarı elə qışda da qəbul edim. Bunu istisna etmirəm.
- Qəlbivin səsinə qulaq asacaqsan, yoxsa hər şey fiziki durumundan asılı olacaq?
- Bu qərarı qəbul edərkən bütün faktorları nəzərə alacağam.
- "Yuventus"u tərk edərkən, hansısa səhvə yol verdiyini düşünmürsən?
- Yox, bu barədə heç başımı sındırmıram da.
- Sənin gedişindən sonra Del Pyeronun fanatları ilə Del Pyeroya qarşı çıxanlar arasında müharibə başladı. Bundan qaçmaq olmazdı?
- Burada xeyli nüans var. Söhbət sağalmaz xəstəlikdən gedir. Bu xəstəliyin isə fəsadları qaçılmazdı. Amma mən azarkeşləri ikiyə bölmək istəmirəm. "Yuventus"da məni dəstəkləyənlər, bu gün "Sidney"ə də azarkeşlik edə bilərlər.
- Tevez 10 nömrəyə sahib çıxdı. Vidal isə bəyan etdi ki "bu mayka əbədi olaraq Alessandroya məxsus olacaq". "Yuventus"un köhnə futbolçularından heç kim 10 nəmrəni götürmək istəmirdi...
- Bu, komanda yoldaşlarımdan ala biləcəyim ən gözəl hədiyyədir. Mən Vidala, Pirloya, Markizioya, Buffona, bir sözlə komandanın bütün futbolçularına minnətdaram. Onların addımından xəbər tutarkən çox sevindim.
- "Yuventus"la birgə ardıcıl 2 dəfə 2 il ard-arda Skudettonu qazanmasınız. Amma hər iki halda da ardıcıl çempionluq sayını 3-ə çatdıra bilməmisiniz. Bunun səbəbini nədə görürsünüz?
- Mən "Yuventus"da forma geyərkən daim bizim məqsədimiz həm də Çempionlar Liqasını qazanmaq idi. Bu isə əlavə təzyiq, daha çox enerji sərfiyyatıdır. Həmçinin o vaxt bizim ehtiyat oyunçular skamyasımız indiki kimi geniş deyildi. İndi hər şey bizim vaxtımızdakından tam fərqlidir. Hazırda komandada hər mövqeyə iki bərabər futbolçu var. Kontenin əlinin altında indi 6 hücumçu şans gözləyir. Uzun sözün qısası, seçim şansı genişdir. İndiki "Yuventus" problemsiz olaraq həm ardıcıl üçün Skudetto, həm də Çempionlar Liqasında qələbə uğrunda mübarizə apara bilər. Mən "Yuventus"da çıxış edərkən, elə olurdu ki bir oyundan digərinə bərpa olunmağa belə vaxtımız qalmırdı.
- Bir neçə gün əvvəl İtaliya millisinin futbolçuları və məşqçilər korpusu Roma Papası ilə görüşdülər. Görüşün sonunda isə o futbolçulara belə dedi: "Siz hər şeydən öncə insansınız, sonr isə futbolçu".
- Yeni Roma Papası tez bir zamanda insanların hörmətini qazandı. Ətrafındakılar ona böyük hörmət və sevgi ilə yanaşırlar. O, insanlarda çox gözəl təəssürat oyadır.
- İnanclı insansan?
- Mən insanlara köməy etməyi sevən insanlara inanıram. Papa Fransisk kimi.
- Kiçik bir test. Sən "Sidney"dəsən və eyni zamanda "Yuventus" - "Milan", "Real" - "Barselona", "Mançester Yunayted" - "Çelsi", "Bavariya" - "Borussiya" və "Monako" - PSJ görüşləri keçirilir. Bu oyunlardan hansına canlı baxarsan, hansını sonradan baxmaq üçün diskə köçürərsən və hansı matçların sənin üçün yalnız nəticəsi maraqlıdır?
- Belə bir hal baş versə, mən 3 televizorun qarşısında əyləşərəm. Yanımda da 2 videomaqnitafon olmalıdır. Bu cür oyunlara mütləq baxmaq lazımdır. Çünki bu halda klubların inkişaf edib-etmədiklərini də müəyyənlışdirmək mümkündür. "Borussiya"nı çox bəyənirəm. Xüsusən də komandanın azarkeşlərinə heyranam. Çünki komanda Bundesliqada qalmaq uğrunda mübarizə aparanda belə, Avropanın ən çox azarkeş toplayan 3 klubundan biri idi.
- Messi və ya Ronaldo ilə birgə oynamaq sənə xoş olardı?
- Yəqin ki. Leo ilə biz demək olar ki eyni boydayıq. Əlbəttə, Kriştianu da möhtəşəm futbolçudur.
- Karyeran ərzində neçə dəfə maska taxmaq məcburiyyətində qalmısan?
- Belə hallar elə də çox olmayıb.
- Sənin haqqında danışarkən deyirlər ki, Aleks bütün işlərini əvvəldən planlaşdırır.
- Hə, düzdür. Amma hərdən elə hallar olur ki, insan planlarından vaz keçmək məcburiyyətində qalır. Hər zaman hər işi istədiyin vaxtda görmək qeyri-mümkündür. Mənim də çatışmayan cəhətlərim var. Uşaq vaxtından mənim futbola böyük həvəsim olub. Öz ideallarımın oyununa xüsusi diqqət yetirirdim. İndi də özümü onlar kimi aparmağa çalışıram. İnsanın qarşısında ciddi hədəf dayanırsan, o zaman olduğun kimi qalmaq çətindir. Amma onu da dərk edirəm ki, bir çox insanlar mənim davranışıma fikir verirlər. Xüsusən də az yaşlı oğlanlar. Necə ki bir vaxtlar mən başqalarına diqqət yetirirdim. Bu. böyük məsuliyyətdir və mən məsuliyyətimi dərk edirəm.
- Bir neçə gün əvvəl redaksiyamızda əməlli-başdı mübahisə düşdü. Hansı oyunçu daha möhtəşəmdir: Bacco, Totti, ya Del Pyero? Sən bu haqda nə deyə bilərsən?
- Əgər, sizin mübahisənizdə bizim üçümüzün də adı hallanıbsa, deməli üçümüz də qalibik. Hər üçümüzün də ayrı taleyimiz, aydı yollarımız var. Eləcə də mübahisə etməmişdən öncə "möhtəşəm" deyərkən konkret olaraq nəyi nəzərdə tutursunuz, bax, bunu müəyyənləşdirmək lazımdır.
- Onda soruşum - idmanda möhtəşəm olmaq nə deməkdir?
- Ən vacibi tarix yazmaqdır. Ən böyük mükafat isə milyonların sevgisini qazanmaqdı. İstənilən idmançı üçün bundan böyük uğur yoxdu. Ürəklərə yol tapmısansa, deməli sevilirsən. İnsan komandasını, formasını, ölkəsini dəyişə bilər. Amma insanlar yenə də onu sevəcəklər. Həyatda hər şey mümkündür, amma əsl sevgi daimidir.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- AFFA prezidentliyinə və İcraiyyə Komitəsinə namizədlər açıqlandı
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Rövşən Nəcəf: “Etimadı doğrultmaq üçün əlimdən gələni edəcəm”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- AFFA prezidentliyi ilə bağlı son durum - hər şey böhran vəziyyətinə doğru?
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Prezidentin nəvəsindən Qara Qarayevə dəstək
- Minifutbol millimizin heyəti narazılıqla qarşılandı, baş məşqçi danışmaq istəmədi
- Bəhlul Mustafazadə: “Millidə bütün futbolçular ikiqat çalışırlar”
-
20:15
"Sumqayıt" Tovuzdan qələbə ilə qayıdır VİDEO
-
19:58
Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
-
19:31
Samir Abasov: “Bu gün bizi bu yerdə görmək heç kim üçün xoş deyil”
-
18:26
"Sumqayıt” II pilləyə yüksəldi
-
16:42
Azərbaycan gimnastı: “Karyeramda ən böyük dəstəkçim anamdır”
-
16:07
PFL-in prezidenti: “Qəzadan sonra 9 dəfə əməliyyat olundum”
-
15:54
Tovuzda heyətlər açıqlandı
-
15:23
MOK-da Baham adaları Olimpiya Komitəsinin vitse-prezidenti ilə görüş olub
-
14:15
Azərbaycan atıcıları Olimpiya Təsnifat Çempionatında çıxış edəcəklər
-
13:46
Andersson azarkeşlərə səsləndi: “Boykot narazılığı ifadə etmək üçün ən yaxşı üsul deyil”
-
13:39
“Bojoviçin komandada qalıb-qalmaması mənim fikrimdən asılı olacaq”
-
13:28
“Neftçi”nin idman direktoru maaşını açıqlamaq istəmədi
-
13:20
Yens Andersson: “Sizə söz verə bilmərəm ki, qruplarda oynayacağıq”
-
12:57
"Qəbələ" Abu Akalla vidalaşdı
-
11:14
XXXI turun hakim təyinatları
-
10:31
Azərbaycanın stolüstü tennisçisi beynəlxalq turnirdə bürünc medal qazanıb
-
10:06
Mükafatlar uğrunda oyunların tarixləri müəyyənləşib
-
09:49
"Aston Villa" penatilərlə mərhələ adladı VİDEO
-
09:28
"Fənərbaxça" Konfrans Liqası ilə vidalaşdı VİDEO
-
09:10
İddiaçılar Turniri: Nicat Abasov yenə də uduzdu
-
19:01
“Turan Tovuz” azarkeşlərə səsləndi: Finala bərabər son 6 oyun! VİDEO
-
18:49
“Dinamo” - “Qusar” matçında 4 qol
-
18:16
I Liqada 22-ci tura yekun vuruldu
-
17:32
“Sumqayıt” “Turan Tovuz”la oyuna hazırdır FOTOLENT
-
16:55
Azərbaycan çempionatında ikinci finalçı müəyyənləşib
-
16:24
Hakimlər “kimə işləyir”? - Araşdırma
-
15:47
U-17 millisinin heyətində dəyişiklik
-
15:33
"Neftçi" Zirə” səfərinə hazırlaşır FOTOLENT
-
15:00
Tovuz stadionu ilk dəfə avrokubok oyununu qəbul edə bilər
-
14:28
Azərbaycan şahmatçıları Avropa çempionatında iştirak edəcəklər
-
14:11
Azərbaycanlı hakim Paralimpiadanın cüdo yarışlarına dəvət alıb
-
13:39
Azərbaycan Şahmat Federasiyası yeni loqonun hazırlanması ilə bağlı müsabiqə elan edib
-
13:08
AFFA İntizam Komitəsi iki kluba texniki məğlubiyyət verib
-
12:52
Adi Mehremiçə 4 oyunluq cəza
-
12:46
“Qəbələ”nin meneceri cəzalandırıldı
-
12:40
AFFA 2 klubu cərimələdi
-
12:27
UEFA kursunu uğurla başa vuran qadın məşqçilərə diplomlar təqdim olunub
-
11:54
“Neftçi” ilə oyunda bəxt üzümüzə gülmədi"
-
11:33
U-17 millimiz İnkişaf turnirində iştirak edəcək
-
11:05
Azərbaycan millisinin kapitanı Macarıstan çempionu olub
-
10:56
Məhəmməd Muradlı liderliyini davam etdirir
-
10:42
Azərbaycan cüdo millisinin Polşa toplanışı başa çatıb
-
10:29
“Azərreyl”in kapitanı: "Hədəfimiz çempionluqdur"
-
10:18
Azərbaycan gimnastları Dünya Kubokunda finala yüksəliblər
-
10:03
"Real" "Mançester Siti"ni mübarizədən kənarlaşdırdı VİDEO
-
09:47
UEFA inspektoru "Turan Tovuz"un stadionuna baxış keçirdi
-
09:30
İddiaçılar Turniri: Nicat Abasov yenə uduzdu
-
18:51
“Paris-2024” Yay Olimpiya Oyunlarının startına 100 gün qalıb
-
18:28
17 yaşadək güləşçilər arasında Azərbaycan çempionatı keçiriləcək
-
18:07
“Xəzri” finalda