Prezident Dəniz Yılmazın qovulmasından danışdı

Türkiyənin “Bursaspor” klubu bir neçə gün öncə millimizin üzvü Dəniz Yılmazı müddətsiz olaraq, əsas heyətdən kənarlaşdırıb. Futbolxeber.az-ın məlumatına görə, Super Liqa klubunun prezidenti Ali Ay məsələ ilə bağlı açıqlama verib.

 

O, Yılmazla yanaşı, əsas komandadan uzaqlaşdırılan digər futbolçu – Sərcan Yıldırım haqda da danışıb: "Dəniz "Kayserispor"la matçda aldığı qırmızı vərəqəyə görə rəhbərlikdən, texniki heyətdən və azarkeşlərimizdən üzr istəməli idi. Ancaq, o, bunu etmədi və buna görə də heyətdən kənarlaşdırıldı. Sərcan Yıldırımın məsələsi isə fərqlidir.O, bizim övladımızdır. Sərcana sahib çıxmaq istədik, amma tənbəldir".

 

Qeyd edək ki, “Bursaspor”un Super Liqanın 21-ci turunda səfərdə “Kayserispor”a 0:2 hesabı ilə uduzduğu matçın 19-cu dəqiqəsində rəqibə qarşı kobud oynayan Yılmaz birbaşa qırmızı vərəqə ilə meydandan qovulmuşdu.