“Kəpəz”ə uduzdular, “yarpaq tökümü” başladı

Avroliqanın I təsnifat mərhələsində “Kəpəz”ə uduzan Moldovanın “Daçiya” klubunda “yarpaq tökümü” başlayıb. Futbolxeber.az saytının məlumatına görə, son 2 gündə komanda 6 futbolçu ilə vidalaşıb. Belə ki, ukraynalılar Rinar Valeyev, Denis Kojanov, çex İrji Eslinik, qapıçı Artyom Qaydukeviç, makedoniyalı müdafiəçi Medjit Neziri və hücumçu Andrey Buqnyak “Daçiya”dan gediblər. Andrey Slinkinin də komanda ilə vidalaşacağı gözlənilir. “Kəpəz”ə məğlubiyyətdən sonra işsiz qalanlar arasında “Daçiya”nın qapıçılarla işləyən məşqçisi Yevgeni Matyuqin də var.