Berluskoni Mihayloviçin qarşısına 8 şərt qoydu

“Milan”ın prezidenti Silvio Berluskoni bu günlərdə komandanın baş məşqçisi Sinişa Mihayloviçlə görüşüb. Futbolxeber.az-ın məlumatına görə, görüş zamanı Berluskoni serb mütəxəssisin qarşısına 8 tapşırıq qoyub:

1. Komanda 4-4-2 taktiki sxeminə keçməlidir.

2. Komanda xarakter nümayiş etdirməlidir. Bunun üçün isə heyətdə Filipp Mekses, Naycel de Yonq, Mario Balotelli kimi futbolçulara şans verilməlidir.

3. Qarşıdakı 3 oyundan (“Torino”, “Sassuolo”, “Kyevo”) minimum 2-də qələbə qazanılmalı və turnir cədvəlindəki vəziyyət yaxşılaşdırılmalıdır.

4. Oyunlar zamanı “Milan” meydanda dominantlıq etməlidir.

5. Davide Kalabriya və Alessio Romanyoli kimi gənclərə daha çox şans verilməlidir.

6. Mövsümün sonunda komanda ilk “üçlük”də qərarlaşmalıdir.

7. Mətbuatın təzyiqinə daha inamlı şəkildə tab gətirilməlidir, daha sərt xarakter nümayiş olunmalıdır.

8. “Napoli”yə qarşı baş tutan oyunlardan (0:4) qaçmaq lazımdır.

Xatırladaq ki, 7 turdan sonra 9 xal toplayan “Milan” “A” seriyasında 11-ci pillədə qərarlaşıb.