Hüseyin Seyliqli: “Qrupdan çıxa bilmədiyimiz üçün məyusuq”

“Şotlandiya ilə müqayisədə daha yaxşı oynadıq. Onsuz da qələbə qazanacağımıza əvvəldən inanırdıq. Öz aramızda “bu görüşdə qələbə qazanacağıq” deyirdik. Məşqçilərimiz də bizi oyuna çox yaxşı hazırlamışdılar”. Futbolxeber.az saytına müsahibəsində bu sözləri 17 yaşadək futbolçulardan ibarət milli komandamızın müdafiəçisi Hüseyin Seyliqli deyib.

“Beşiktaş”lı müdafiəçi mübarizəni qrup mərhələsində dayandırdıqları üçün məyusluğunu gizlətməyib: “Qrupdan çıxa bilmədiyimiz üçün məyusuq. Əldən nə gəlir ki? Şanssızlıqla üzləşdik”.

Hüseyin Seyliqli Belçika ilə görüşdə səhv etdiyini vurğulayıb: “Belçika ilə oyunumuz heç-heçə bitdi. Halubki sonda qaçırdığımız şansı dəyərləndirsəydik, yaxud da mən o səhvi etməsəydim, qrupdan çıxardıq. Səhv etdiyimi üçün məyusam. Həmin epizodda sağ ayağımla topu qapıçıya ötürmək istəsəm də, alınmadı”.

Seyliqli Şotlandiya ilə oyunun sonlarında rəqib futbolçularla aralarında yaşanan gərginliyə də toxunub: “Futbolda belə hallar olur. 80-cı dəqiqədən sonra beyinə qan getmir”.

"Layihə AFFA yanında Media Komitəsi tərəfindən maliyyələşdirilir"