Çempionlar Turu: Şah ilk yarımfinal görüşünü keçirəcək

Azərbaycan şahmatçısı Şəhriyar Məmmədyarov norveçli dünya çempionu Maqnus Karlsenin təşkil etdiyi Çempionlar Turunun "New In Chess" adlı V mərhələsində bu gün ilk yarımfinal görüşlərini keçirəcək.

Futbolxeber.az saytının məlumatına görə, 36 yaşlı qrossmeyster bu raundda ABŞ təmsilçisi Hikaru Nakamura ilə görüşəcək.

Məmmədyarov 1/4 final mərhələsində Alireza Firuzcanı (FIDE), Nakamura isə Le Kuanq Lyemi (Vyetnam) mübarizədən kənarlaşdırıb.

Yarımfinal görüşləri də 2 gün davam edəcək. Qarşılaşmaların ardından qalib müəyyənləşməsə, tay-brek oynanılacaq.

Çempionlar Turu: "New In Chess"

1/2 final

Şəhriyar Məmmədyarov (Azərbaycan) - Hikaru Nakamura (ABŞ)

Maqnus Karlsen (Norveç) - Levon Aronyan (Ermənistan)

Qeyd edək ki, ümumi mükafat fondu 100000 ABŞ dolları olan turnirə mayın 2-də yekun vurulacaq. Qalib 30000 ABŞ dolları qazanacaq.