28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Digər idman növləri

Karateçilərimiz Çilidəki dünya çempionatını 4 medalla başa vurub

Yeniyetmə və gənclərdən ibarət karate milli komandamız Çilinin paytaxtı Santyaqoda XI Dünya çempionatını 4 medalla başa vurub.

Futbolxeber.az məlumatına görə, 16-18 yaşlı gənclər milli komandasının üzvləri Hüseyn Məmmədli (-61 kq) gümüş mükafata, Sultan Hüseynov (-55 kq), Hüseyn Hüseynzadə (-76 kq) və Polina Qurenko (-53 kq) isə bürünc medala sahib olub. Təsəlliverici görüşlərə qatılan Namiq Quliyev (+76 kq)  Hümmət Baxşəliyev (-67 kq) və Murad Hacızadə (+84 kq) isə sonda medalçılar arasına düşə bilməyiblər.

Azərbaycan Repsublikasının Çili Respublikasında Müvəqqəti işlər vəkili Yasin Cəfərov və Azərbaycan Respublikası XİN-in əməkdaşı Rüstəm Həsənzadə yarışın keçirildiyi salonda idmançılarımıza dəstək olublar.

Azərbaycan Milli Karate Federasiyasının prezidenti Yaşar Bəşirov komandanın daha yüksək nəticə əldə etmək imkanları olduğunu bildirib: "Heyətdə yeni idmançılar olsa da, komanda əsasən titullu karateçilərdən ibarətdir. 21 yaşadək idmançılarda və 16-18 yaşlı gənclərdə bir neçə final və qızıl medal gözləyirdik. Yeniyetmələr isə belə yüksək səviyyəli yarışlara ilk dəfə çıxdığından nisbətən təcrübəsiz olurlar. Xüsusi qeyd edim ki, yarış proqramında dəyişikliklər, Çilidə baş verən hadisələr idmançıların fiziki və psixoloji durumuna mənfi təsirlərini göstərdi. Bu və digər səbəblərdən gözlədiyimiz nəticəyə tam nail ola bilməsək də, vətənə əliboş qayıtmırıq. Azərbaycan yenə də dünyanın sayılıb-seçilən karate ölkələri arasında mövqeyini qorudu. Bunu həmkarlarım da mənimlə söhbətlərində qeyd edirlər. Yarışlara iştirak etmək üçün bizə dəstək olan bütün təşkilatlara minnətdarlığımı bildirirəm. Qarşıdakı rəsmi yarışlarda da karateçilər onlara göstərilən etimadı doğrultmaq üçün bacarıqlarını əsirgəməyəcək, Azərbaycan idmanını dünyada tanıtmaqda davam edəcəklər!".

Yeniyetmə və gənclər milli komandasının baş məşqçisi, əməkdar məşqçi Anar Allahverdiyev dünya çempionatı ilə bağlı federasiyasnın saytına fikirlərini bölüşdü:

“Federasiya il ərzində yeniyetmə və gənclər milli komandasını nəzərdə tutulan bütün sınaq yarışlarına göndərdi. Sınaqlara yarışlarına əsasən Dünya çempionatına özlərini doğruldan idmançılar gəlmişdi. Çilidə nəticəni qənaətbəxş hesab etmək olar. Əyarı yüksək olan daha çox medallar gözləyirdik. Lakin idmançıların iqlimə adaptasiyasında problemlər oldu.

Əvvəlcədən yarışın proqramına əsasən idmançıların çıxış edəcəyi günlərə görə ölkəyə daxil olma vaxtları hesablanmışdır ki, adaptasiyaya mənfi təsir göstərməsin. Santyaqoda siyasi durumdan asılı olaraq, yarış proqramında yaş qruplarının çıxış edəcəyi günlər dəyişdiyinə görə idmançılar iqlimə uyğunlaşması nəzərdə tutulduğu kimi olmadı. Bu səbəblərə görə avropa və dünya mükafatçılarımızın çıxışları gözlənilən nəticəni vermədi. Buna baxmayaraq onlar medal görüşlərinədək mübarizə apardılar.   

Noyabrın sonunda 2020-ci il üçün yeniyetmə və gənclər milli komandasının tərkibini təyin etmək üçün Respublika çempionatı keçiriləcək. Yeni tərkib ilə gələn ilin fevralında Macarıstanda Avropa çempionatına hazırlıqlara başlayacayıq.

Təqvim planına uyğun bütün yarışlarda iştirak etməyi təmin etdiyinə görə federasiya rəhbərliyi və bizə dəstək olan bütün ali idman təşkilatlarına komanda adından minnətdarlığımı bildirirəm”.

Beynəlxalq hakimlər Cahangir Babayev və Vüqar Kərimova final görüşlərini idarə etmək kimi məsul vəzifələr həvalə olunub. Dünya Karate Federasiyasının (WKF) rəsmi yarışlarını 10 il idarə etdiyi üçün, C.Babayev WKF-in Hakimlər komitəsinin sədri Xavier Eskalante tərəfindən fəxri yubiley medalı ilə təltif edilib. 

Karateçilər 31 oktyabrda Bakıda olacaqlar.

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31