29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Digər idman növləri

Bakı 2015: I Avropa Oyunlarının rəsmi bağlanış mərasimi başlayıb

Azərbaycan paytaxtındakı Olimpiya Stadionunda Bakı 2015 I Avropa Oyunlarının rəsmi bağlanış mərasimi başlayıb. Futbolxeber.az-ın APA-ya istinadən verdiyi məlumata görə, səhnədə Qız qalası ucalıb, qalanın ən yüksək zirvəsindən İçərişəhərin divarları arxasında Simurq quşu əfsanəsində vəd edilən oyanışı gerçəkləşdirərək simasını dəyişən şəhər - Bakı, “Alov qüllələri” görünüb.

Bağlanış mərasimində şeypurun sədaları Azərbaycan prezidenti İlham Əliyevi, Bakı 2015 I Avropa Oyunları Təşkilat Komitəsinin sədri, Azərbaycanın birinci xanımı Mehriban Əliyevanı və Avropa Olimpiya Komitəsinin sədri Patrik Hikkini salamlayıb. Bakıyadək bütün qədim məkanları diyar-diyar dolaşan xalça ilmələri stadionun ekranlarında canlanıb. Geriyə sayım sıfıra çatdığı an xor Dövlət Himnini yeni simfonik aranjmanda ifa edib və Azərbaycan bayrağı yüksəlib.

Qeyd edək ki, Azərbaycan öz tarixində ilk dəfə belə mötəbər idman turnirinə ev sahibliyi edib. Azərbaycana “köhnə qitə”nin 50 ölkəsindən 6 mindən çox idmançı, o cümlədən 10 minə yaxın nümayəndə heyəti üzvü təşrif buyurub. Azərbaycanı təmsil edən 291 atletin mübarizə apardığı yarış ölkə üçün tarixi rekordla əlamətdar olub. Azərbaycan yığması yarışları 56 medalla başa vuraraq qitənin ikincisi adını qazanıb. 21 qızıl, 15 gümüş və 20 bürünc medal qazanan Azərbaycan komandası Avropanın şəksiz lideri olan Rusiyadan geri qalıb.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31