29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Digər idman növləri

Varşavada “Bakı-2015”ə dəstək aksiyası keçirilib

Polşanın paytaxtında “Bakı-2015” birinci Avropa Oyunlarına dəstək aksiyası keçirilib. Futbolxeber.az-ın məlumatına görə, “Ekonomiks” Beynəlxalq İqtisadi Araşdırmalar Birliyinin təşkilatçılığı ilə keçirilən aksiya çərçivəsində Varşava şəhəri ictimaiyyətinin nümayəndələrinə və universitet tələbələrinə I Avropa Oyunlarına aid jurnallar, məlumat bukletləri, üzərində “Bakı-2015” yazılmış köynəklər, eləcə də Azərbaycan bayraqları və Oyunların loqosu əks olunmuş bayraqlar paylanılıb. Şəhər sakinlərinə Avropa Oyunları barədə ətraflı məlumat verən aksiya təşkilatçıları Azərbaycan və “Bakı-2015”-in bayraqlarını müxtəlif obyektlərə də paylayıb, varşavalılara Azərbaycana aid müxtəlif suvenirlər təqdim ediblər.

“I Avropa Oyunlarında Bakı sizi gözləyir” şüarı altında keçirilən aksiyada şəhərin mərkəzi parklarında sakinlərlə söhbət aparılıb. Varşavalılar qitənin Olimpiya Oyunları barədə məlumatlı olduqlarını deyərək, Bakının I Avropa Oyunlarını yüksək səviyyədə keçirəcəyinə və Avropa Oyunları üçün yaxşı ənənə yaradacağına inandıqlarını bildiriblər.

Aksiya təşkilatçıları Varşava Dövlət Ali Psixologiya Universitetində də olublar. Burada universitet rəhbərliyi ilə görüş keçirilib. Azərbaycan və Bakı haqqında çox eşitdiklərini deyən universitet təmsilçiləri ölkəmizə səfər etməyi arzuladıqlarını bildiriblər. Daha sonra universitetin akt zalında davam edən tədbirdə orada məzun sertifikatları alan tələbələrə “Bakı-2015”-ə aid müxtəlif materiallar və hədiyyələr verilib. Gənclər bu Oyunlara böyük maraq göstərdiklərini və yarışları televiziya vasitəsilə izləyəcəklərini deyiblər. Polşalılarla yanaşı, digər Avropa ölkələrindən olan tələbələr də “Bakı-2015” birinci Avropa Oyunlarına aid jurnallara böyük maraq göstəriblər. Onlara Oyunlara aid videoçarxın yer aldığı disklər də hədiyyə olunub.

Aksiyada digər diqqətçəkən vasitələrdən də istifadə olunub. Belə ki, səhər saatlarından etibarən Varşavanın müxtəlif küçələrində yerləşən mağaza və iaşə obyektlərindən “I Avropa Oyunlarında Bakı sizi gözləyir” şüarı yazılmış bannerlər asılıb. İngilis və polyak dilində yazılmış bu şüardan tələbələrlə keçirilən görüşlərdə də istifadə olunub.

Aksiya olduqca böyük maraqla qarşılanıb. Varşavalılar Azərbaycanı salamlayıb, I Avropa Oyunlarının iştirakçılarına və xüsusən də Polşa təmsilçilərinə uğurlar arzulayıblar.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31