29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Digər idman növləri

Şəhriyar Məmmədyarov: "Belə maraqsız heç-heçə olmamışdı"

Vüqar Həşimovun xatirəsinə həsr olunan ShamkirChess 2015 turnirində 3-cü turun görüşləri başa çatıb. Futbolxeber.az-ın məlumatına görə, Synergy Group-un təşkilatçılığıyla baş tutan yarışda Azərbaycan şahmatçısı Şəhriyar Məmmədyarov Fransa təmsilçisi Maksim Vaşye-Laqravla heç-heçə oynayıb. Hesabat turunda yarım xal qazanan Məmmədyarov partiya haqda fikirlərini mətbuat konfransında bildirib: "Ötən tur Maqnus Karlsenə uduzandan sonra daha yaxşı oynamaq istəyirdim. Əslində, dünyanın bir nömrəsinə uduzmaq normaldı. Bu gün heç-heçəni oyuna görə uyğun nəticə sayıram. Karyeramda belə maraqsız heç-heçə olmamışdı. 17-ci gedişdə vəzirlə düzgün gediş etsəydim, oyun dəyişəcəkdi. Lakin həmin gedişi tapa bilmədim. Şəmkirdə daha yaxşı oynamağa çalışıram. Azərbaycanda oynayan zaman bir qədər çətin olur. Məsuliyyətim artır. Xaricda çıxış etdiyim zaman rahat mübarizə aparıram. Bakıda və ya Şəmkirdə olan zaman uğur qazanmağa çalışıram, amma alınmır. Son dəfə Azərbaycanda uğur qazandığım turnir yadıma gəlmir".

Nəticədən razı qalan Maksim Vaşye-Laqrav partiya haqda bunları deyib: "Şəhriyarla bir neçə dəfə oynamışıq. Fikrimcə bu dəfə oyunda o qədər fəallıq yox idi. Vəziyyət heç-heçəyə aparırdı. Qələbə görsənmirdi. Ona görə heç-heçəyə razılaşdıq. Ardıcıl üçüncü bərabərlikdən sonra oyunlara daha ciddi yanaşmalıyam".




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31