15 Iyun 2021, Çərşənbə axşamı
Uels millisi Bakıda gəzintidə
Səlahət Ağayev “Sabah”da
Beyl Bakının istisindən şikayətləndi
Mustafayev "Sumqayıt"da qaldı

Digər idman növləri

Bakının İslam Həmrəyliyi Oyunlarına ev sahibliyi etməsi ilə bağlı müqavilə imzalandı

Bu gün Azərbaycanın IV İslam Həmrəyliyi Oyunları - Bakı 2017-yə ev sahibliyi etməsi ilə bağlı müqavilənin rəsmi imzalanma mərasimi keçirilib. Futbolxeber.az-ın “Trend”ə istinadən verdiyi məlumata görə, müqaviləni Azərbaycanın gənclər və idman naziri Azad Rəhimov, İslam Həmrəyliyi İdman Federasiyasının (İHİF) prezidenti, Səudiyyə Ərəbistanının gənclər və idman naziri, Səudiyyə Ərəbistanı Olimpiya Komitəsinin prezidenti, şahzadə Abdullah Bin Mosaad Bin Abdulaziz Al-Saud və Azərbaycan Milli Olimpiya Komitəsinin (MOK) və İHİF-in vitse-prezidenti Çingiz Hüseynzadə imzalayıblar.

İmzalanmadan öncə mərasimdə çıxış edən Ç.Hüseynzadə Azərbaycanın bu oyunların keçirilməsinə tam hazır olduğunu deyib: ”Bu gün çox böyük tədbir həyata keçirilir. Bu, bizim üçün məsul və fərəhli bir gündür. Azərbaycan bütün İslam Oyunlarında fəal iştirak edib və böyük nəticələr qazanıb. Hesab edirik ki, bu oyunların Azərbaycan idmançıları üçün böyük əhəmiyyəti var və böyük fəxrlə yarışların keçirilməsinə hazırlaşırıq. Bu gün qonaqlar oyunların keçirildiyi arenalarına baxış keçirib. Bu gün əminliklə demək olar ki, Azərbaycan bu oyunların keçiirlməsinə tam hazırdır. Biz bu oyunların yüksək səviyyədə keçirilməsinə nail olacağıq”.

Vitse-prezident bildirib ki, IV İslam Həmrəyliyi Oyunlarının Bakıda hələlik 2017-ci ildə təxminən may ayında keçirilməsi planlaşdırılır: "Oyunların keçirilməsi müqəddəs Ramazan ayının nə vaxta düşməsindən asılı olacaq. Oyunlar Ramazan ayından əvvəl keçiriləcək. Oyunlarda təxminən 19-20 idman növü təmsil olunacaq. Yarışların proqramı Avropa Oyunlarının proqramına yaxın olacaq, amma fərqli idman növləri də olacaq. Məsələn, ağırlıqqaldırma".

Abdullah Bin Mosaad Bin Abdulaziz Al-Saud İslam Həmrəyliyi Oyunlarına böyük maraq göstərdiyinə görə Azərbaycan hökumətinə təşəkkürünü bildirib. Onun fikrincə, Azərbaycanın bu oyunlara ev sahibliyi etməsi idman yarışlarının uğur qazanacağına inama dəlalət edir: “Bakıda keçiriləcək bu oyunlar ən böyük idman oyunlarından biri olacaq. Allahın izni ilə buna nail olacağıq. İnanıram ki, bu oyunlar İslam ümmətinə, qardaşlıq və birlik dəyərlərinə xidmət edəcək”.

O, qeyd edib ki, Bakıda idman yarışlarının keçiriləcəyi arenalara baxış keçiriblər: "İndidən demək olar ki, Azərbaycan bu oyunların keçirilməsinə tam hazırdır. Bu münasibətlə sizi təbrik edirəm!"

İHİF prezidenti deyib ki, bu oyunlar bir-birimizi yaxından tanımağımız üçün böyük imkandır: "Eyni zamanda, biz burada mədəniyyətlərimizi bölüşəcəyik".

A.Rəhimov bəyan edib ki, Azərbaycan son illər beynəlxalq idman yarışlarına yüksək səviyyədə ev sahibliyi edib. Həmçinin, Azərbaycan qısa müddətdir müstəqillik əldə etməsinə baxmayaraq, aparıcı İslam ölkələrindən birinə çevrilə bilib. Nazir bildirib ki, Bakıda keçiriləcək İslam Oyunları bütün dünyada müsəlmanlar arasında birlik və həmrəyliyin möhkənlənməsinə kömək edəcək.

Gənclər və idman naziri bildirib ki, Avropa Oyunlarındakı atletlər kəndi İslam Həmrəyliyi Oyunlarında da idmançıların ixtiyarına veriləcək: "Onların qidalanması üçün də maliyyə vəsaitinin ayrılması nəzərdə tutulur".

Onun sözlərinə görə, Azərbaycan IV İslam Həmrəyliyi Oyunlarında 100-dən çox idmançı ilə təmsil olunacaq: "Azərbaycan ev sahibi olduğundan burada kvalifikasiya, seçim olmayacaq. Çalışacağıq ki, bütün idman növlərində, bütün çəkilərdə təmsil olunaq. Məqsədimiz həmişə olduğu kimi, yenə yüksək uğurlar qazanmaq, yüksək yerlər tutmaqdır".

Mərasimdə Bakı 2017-yə həsr olunmuş videoçarx nümayiş olunub.

Qeyd edək ki, 2013-cü il iyulun 23-24-də Səudiyyə Ərəbistanının Ciddi şəhərində İHİF-in 8-ci Baş Assambleyasında 4-cü İslam Həmrəyliyi Oyunlarının ev sahibliyi etmək hüququnun Azərbaycana verilməsi barədə qərar qəbul edilib. 2013-cü il sentyabrın 22-dən oktyabrın 2-dək İndoneziyanın Palembanq şəhərində keçirilən III İslam Həmrəyliyi Oyunlarının açılış mərasimi zamanı İHİF-in bayrağı Azərbaycana verilib.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2021
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30