5 Dekabr 2022, Bazar ertəsi
Millimizin üzvündən qələbə qolu
"Qarabağ"dan "Neftçi"yə 4 cavabsız qol
XVI turun hakim təyinatları
Hafiz Məmmədov 58 yaşında!

Maqazin

PFL-də növbəti təyinat

Peşəkar Futbol Liqasına (PFL) yeni mütəxəssis cəlb olunub.

Futbolxeber.az-ın qurumun saytına istinadən verdiyi məlumata görə, ölkənin tanınmış idman hüquqşünaslarından Fərid Haqverdiyev müqavilə əsasında PFL ilə əməkdaşlıq edəcək.

O, PFL-də idman hüququnun tənzimlənməsi və bu qəbildən olan digər işlərin həyata keçirilməsinə cavabdehlik daşıyacaq.

Fərid İlqar oğlu Haqverdiyev 14 sentyabr 1988-ci ildə Bakı şəhərində anadan olub. 2006-cı ildə Bakı Dövlət Universitetinin hüquq fakultəsinə daxil olub, 2010-cu ildə oranı bitirib. 2011-ci ildə İngiltərənin Kent Universitetində Beynəlxalq Kommersiya Hüququ ixtisası üzrə magistr təhsili alıb. Təhsilini bitirdikdən sonra Azərbaycanda özəl təşkilatda hüquqşünas kimi işləyib.

2018-ci ildə İspaniyanın Madrid şəhərində yerləşən özəl, dünyanın məşhur idman hüquqşünaslarının, professorların tədris etdiyi, mötəbər idman hüququ məktəblərindən olan İSDE (İnstituto Superior de Derecho y Economia) universitetində “Beynəlxalq İdman Hüququ” ixtisası üzrə əyani magistr təhsili alan və məzun olan ilk azərbaycanlı hüquqşünas olub. Həmin ildə İngiltərinin Kembric universitetinin Vulfson kollecində idman hüququ üzrə ixtisasartırma kurslarında iştirak etmiş və müvəffəqiyyətlə bitirmişdir.

Təhsilini tamamladıqdan sonra Fransanın Paris şəhərində hüquq şirkətində idman hüququ üzrə məsləhətçi vəzifəsində çalışıb.

Hazırda dünya üzrə idman hüquqşünaslarının təşkilatı olan “Beynəlxalq İdman Hüquqşünasları Assosiasiyasının” və Azərbaycan Respublikası Vəkillər Kollegiyasının üzvüdür. Eyni zamanda, Bakı Dövlət Universitetində “Beynəlxalq İdman Hüququ” fənnini tədris edir. Haqverdiyev UEFA tərəfindən ömürlük futboldan uzaqlaşdırdığı "Qarabağ"ın mətbuat xidmətinin sabiq rəhbəri Nurlan İbrahimovun vəkilidi.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2022
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31