18 May 2021, Çərşənbə axşamı
"Özümü çarəsiz hiss edirəm"
PFL sabah medalçıları müfakatlandıracaq
Azərbaycan klubları üçün 67 rəqib
Türkiyədə çempionun adı məlum oldu

Maqazin

Millimizin baş məşqçisinin diplomatik pasportu ləğv edildi

Albaniya hökuməti Azərbaycan millisinin baş məşqçisi Canni De Byazinin diplomatik pasportunu ləğv edib.

Futbolxeber.az saytının məlumatına görə, Albaniyanın Xarici İşlər Nazirliyi yerli futbol federasiyasına məktubla müraciət edərək, italiyalı mütəxəssisdən bu il iyunun 1-dək sənədi təhvil verməsini istəyib.

Qərara münasibət bildirən 65 yaşlı baş məşqçi buna görə təəccübləndiyini söyləyib: "Pasportun vaxtı 2026-cı ildə başa çatacaq. Nəyə görə 5 il öncə onu təhvil verməliyəm? Fikrimcə, absurd qərardır. Həm təəcübləndim, həm də təəssüf hissi keçirdim".

De Byazi bununla bağlı hələ rəsmi bildiriş almadığını vurğulayıb: "Heç bir günah işlətməmişəm və heç vaxt Albaniyanın imicinə xələl gətirməmişəm. Əksinə, orada olduğum müddətdə yaxşı işlədiyimi düşünürəm və fürsət tapanda ölkə haqqında yalnız xoş sözlər demişəm. Sənədi qaytarmağımı istəsələr, açıq-aşkar məyus olacağam. Çünki heç bir səbəb tapmıram. Onda belə çıxır ki, həmin vaxt ölkə prezidenti tərəfindən mənə verilmiş "Cəngavər Skenderbeu Ordeni"ni də qaytarmalıyam?”

Təcrübəli mütəxəssisin sözlərinə görə, bu sənəd adətən onun sahibi cinayət törətdikdə və ya müxtəlif hərəkətlərlə ölkənin imicinə xələl gətirəndə dövlət orqanlarına qaytarılmalıdır: "Mən bunların heç birini etməmişəm. Hələ heç bir bildirişim yoxdur, amma həqiqətən müddəti 5 ildən sonra başa çatacaq pasportumu qaytarmağımı istəsələr, mütləq izahat tələb edəcəyəm".

Qeyd edək ki, 2011-2017-ci illərdə Albaniya millisinə rəhbərlik etmiş Canni De Byaziyə diplomatik pasport yığmanı 2016-cı il Avropa çempionatının final mərhələsinə çıxardığı üçün verilib ("Report").

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2021
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31