ÇL: "Araz-Naxçıvan" əsas mərhələdə

Bu gün futzal üzrə Çempionlar Liqasındakı təmsilçimiz "Araz-Naxçıvan” turnirin ilkin mərhələsində növbəti oyununu keçirib.

Futbolxeber.az saytının məlumatına görə, komanda Latviya "Raba"sı ilə üz-üzə gəlib. Görüş təmsilçimizin 8:4 hesablı qələbəsi ilə başa çatıb.

Çempionlar Liqası

F qrupu, III tur

24 avqust

"Araz-Naxçıvan" - "Raba" (Latviya) - 8:4

Qollar: Ar.Kuļeşovs, 11:29, Boqdanovs, 15:03, Yakovļevs, 20:54, Strazdiņş, 29:23//Maneka, 0:24, 32:20, Felipinyo, 18:16, Bağırov, 22:30, 32:40, Atayev, 23:33, Çovdarov, 26:00 (p), 29:37

Bu qələbədən sonra xallarını 7-yə çatdıran "Araz Naxçıvan" ən yaxşı ikinci yerin sahibi kimi əsas mərhələyə vəsiqə qazanıb. Ölkə çempionunun bu mərhələdəki rəqibləri avqustun 30-da müəyyənləşəcək.

Qeyd edək ki, Joze Alesionun baş məşqçisi olduğu komanda ilk oyunda "Europa"ya (Cəbəllütariq) 9:2 hesabı ilə qalib gəlib. "Araz-Naxçıvan" ikinci qarşılaşmada isə Finlandiya “Kampuksen Dinamo”su ilə heç-heçə edib - 4:4. "Araz-Naxçıvan" Finlandiya çempionu ilə eyni xala malik olsa da, topların daha yaxşı fərqinə görə “Kampuksen Dinamo” qrup birincisi olub.