“Araz”ın rəqibləri müəyyənləşdi

Futzal üzrə UEFA Çempionlar Liqasının 2021/22-ci il mövsümünün ilkin mərhələsinin püşkü atılıb.

Futbolxeber.az saytının məlumatına görə, turnirdəki təmsilçimiz “Araz-Naxçıvan” F qrupunda yer alıb.

Joze Alesionun başçılıq etdiyi komanda “Kampuksen Dinamo” (Finlandiya), “Raba” (Latviya) və “Europa” (Cəbəllütariq) klubları ilə qarşılaşacaq. Qrupun oyunları avqustun 20-dən 25-dək Latviyada keçiriləcək.

Qeyd edək ki, reqlamentə uyğun olaraq, 9 komanda - 8 qrup qalibi və ikinci pillədə yer alan iştirakçılardan ən yaxşı göstəriciyə malik bir klub əsas mərhələyə vəsiqə qazanacaq.