18 May 2021, Çərşənbə axşamı
"Özümü çarəsiz hiss edirəm"
PFL sabah medalçıları müfakatlandıracaq
Azərbaycan klubları üçün 67 rəqib
Türkiyədə çempionun adı məlum oldu

Futzal

Rizvan Fərzəliyev: “Təslim olmadıq, sona qədər mübarizəmizi apardıq”

Avropa çempionatının seçmə mərhələsi çərçivəsində Slovakiya yığması ilə qarşılaşan və heç-heçə edən Azərbaycan millisi qrup liderliyini təmin edib.

Futbolxeber.az saytının məlumatına görə, nəticədə komandamız Avropa çempionatına öz qrupunun lideri kimi yollanacaq.

Millinin kapitanı Rizvan Fərzəliyev Levice şəhərindəki oyunla bağlı azfutzal.az-a bunları deyib:

“Çətin oyun oldu. Görüşü bizim üçün çətinləşdirən məqamlardan biri səfərə tam heyətlə yollana bilməməyimizdi. Rafael Vilela, Vassoura, Bolinha və Hadi Ahmadi ilk matçdan fərqli, bu dəfə bizə kömək edə bilmədilər. Ramiz Çovdarovun da yüngül zədə var idi.

Baş məşqçinin tapşırığına uyğun olaraq, üstünlüyü müdafiəni gücləndirməyə vermişdik. Çünki bizə səfər oyunundan ən pis halda heç-heçə ilə ayrılmaq lazım idi. Buna görə də müdafiədə sabit oynamalı idik. Rəqib topla daha çox oynadı. Fasiləyə də hesabda geri yollandıq. İkinci hissədə də taktikamıza sadiq qaldıq. Düzdür, topa nəzarət edən slovaklar qapımız qarşısında bir neçə təhlükəli epizod yaratdı. Halbuki ondan istifadə etsəydilər, çətin olacaqdı. Əks-hücumlar zamanı biz də müəyyən qol epizodları yarada bildik, amma bərabərlik topunu matçın başa çatmasına 30 saniyə qalmış vurduq. Yəni təslim olmadıq, sona qədər mübarizəmizi apardıq. Məqsəd xal və ya xallar qazanmaq idi. Bu nəticə sayəsində Avropa çempionatının final mərhələsinə qrup lideri kimi yollanacağıq.

Son matçda Yunanıstan yığması ilə qarşılaşacağıq. Doğma meydanımızda keçirəcəyimiz görüşü də qələbə ilə başa vurmaq istəyirik. Yəni qələbə ilə başlamışıq, elə qələbə ilə də yekunlaşdırmalıyıq”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2021
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31