Futzal
Millimizin baş məşqçisi: “Strategiyanı dəyişmək qərarına gəldik"
Futzal üzrə Azərbaycan milli komandasının baş məşqçisi vəzifəsini icra edən Biro Jade AFFA-nın rəsmi saytına açıqlamalar verib. Futbolxeber.az sizi braziliyalı mütəxəssisin müsahibəsi ilə tanış edir.
- Baş məşqçi vəzifəsinin icraçısı kimi millidə keçirdiyiniz ilk təlim-məşq toplanışı sizi nə dərəcədə razı saldı?
- Buna qədər köməkçi-məşqçi kimi də eyni işləri görürdüm. Sadəcə, fərq ondadır ki, bu dəfə qərarları özüm verirəm. Hazırlığa gəldikdə, məşqlərdə oyunçuların işə yanaşması məni razı saldı. Futzalçılar klubla millinin fərqli olduğunu anlamalı və peşəkar olmalıdırlar. Açığı, dediklərimin şahidi oldum və mənim üçün xoş sürpriz oldu. Məşqdə hər kəs ondan nə tələb olunduğunu bilirdi və qarşılığını vermək üçün sona qədər əlindən gələni edirdi. 10 günlük ilk toplanışımızda komanda üzvləri istədiyimi verdi. Təcrübəli, uzun illərdir millidə oynayan oyunçularımız da köməklərini məndən əsirgəmədilər. Biz bir ailəyik, bunu hər addımımızda sübut etməliyik. Təbii ki, həll edilməmiş suallar var. Xüsusilə də, taktiki planda və standart vəziyyətlər üzərində işləməliyik.
- Komandanın oyun planında dəyişikliklər edəcəksinizmi?
- Avropa çempionatının əsas mərhələsinin oyunlarına hazırlığın ilk hissəsində çalışdıq ki, futzalçıların xarakterini görək, hiss edək. Bəli, günbəgün onların inkişaf etdiyini görürük. Taktiki planda müəyyən dəyişiklik olacaq. Bu dəfə strategiyanı dəyişmək qərarına gəldik. Komandanın bir nəfərdən asılı vəziyyətdə oynamasını istəmirəm. Eyni zamanda standart vəziyyətlərdən – korner, aut, cərimə zərbəsindən qol vurmağın yollarını tapmalıyıq. Bunun üçün də oyunçuların qabiliyyətini yaxşı analiz etməliyik. Elə futzalçı var ki, autdan, bəziləri kornerdən ötürmələr zamanı, bir başqası fintlər etməklə faydalı olurlar. Hər bir futzalçının xarakteristikasını təsbit etmək və öz üslubuna yaxın işi tapşırmaq vacibdir.
- Ölkə xaricində çıxış edən Vitali Borisovu izləyirsinizmi?
- Vitali ağıllı, təcrübəli, hər an oyunun nəticəsini və axarını dəyişəcək qabiliyyətə sahib futzalçıdır. Fiziki hazırlığı qaydasında olarsa, komandaya kömək edə biləcək. Yəni çox şey onun özündən asılıdır.
- Bu dəfə heyətə dəvət etdiyiniz Namiq Məmmədkərimovun 37, Radik Əhmədovun 36 yaşı var. Bu cür toplanışlara gənc futzalçılardan bir neçəsini cəlb etməyiniz daha münasib olmazdımı?
- Hazırkı məqamda bizə təcrübəli futzalçılar lazımdır. Çünki gənclərin təcrübə toplaması, rəsmi oyunlara hazır vəziyyətə çatdırılması üçün 2 ilə yaxın vaxta ehtiyac var. Dəvət etdiyimiz oyunçulardan Faiq Əliyev, Nihad İsmayılov, Anar Məmmədov nisbətən cavandırlar, amma onlar Namiq, Radik qədər təcrübəyə sahib deyil. Rəsmi oyunlara isə təxminən bir ay vaxtımız qalıb.
- Millimizin əsas mərhələdəki rəqibləri haqda hansı məlumatlara sahibsiniz?
- Rəqiblərimizdən oyununu görmədiyimiz komanda Albaniya yığmasıdır. Hazırda bu ölkədə futbol kimi, futzal da inkişafdadır. Təbii ki, hər komandanın öz oyun üslubu, fəlsəfəsi var. Macarıstan millisi ilə 2010-cu ildə keçirilən Avropa çempionatının final mərhələsində qarşılaşmışıq. Son 4-5 ildə isə komandaya ispan məşqçi rəhbərlik edir. Uzun müddət bir yerdə oynamaları, eyni məşqçinin rəhbərliyi altında çıxış etmələri onları irəli aparır. Bosniya və Herseqovina yığması ilə 3-4 il əvvəl qarşılamışıq. Çox çətin, sərt oyun olmuşdu. Rəqibin heyətində texnikalı oyunu ilə seçilən futzalçılar çoxluq təşkil edirdi. Nizam-intizama da xüsusi diqqət yetirirdilər. Çempionatlarına braziliyalı futzalçılar dəvət edirlər ki, bu da ildən-ilə güclənmələrinə kömək edir. Oyunlar asan keçməyəcək, amma bizim məqsədimiz qrup mərhələsini birinci pillədə başa vurmaq və final oyunlarına birbaşa yüksəlməkdir.
- Rəqiblərimiz arasında İspaniya, İtaliya, Rusiya kimi top komandanın olmaması millinin üzvlərində arxayınlıq yarada bilərmi?
- Adlarını çəkdiyiniz komandalar çox güclü və məşhur yığmalardır. Amma hər oyunun, yarışın öz hökmü var. Kolumbiyada keçirilən dünya çempionatında Argentinanın qalib olacağını kim gözləyirdi?! Braziliya və İtaliyanın 1/8, İspaniyanın 1/4 finalda yarışı tərk edəcəyini düşünən neçə nəfər var idi? Deməli, həmin vaxt hazırlıqlı olan və heyətində yaxşı oyunçular yer alan komanda qalib gəlir. Razıyam, bizim millinin qələbə şansını yüksək qiymətləndirirlər. Ancaq bu, təxminlər, proqnozlardır. Biz bunu reallaşdırmaq üçün daha çox çalışmalı, meydana çıxanda göstərməliyik. Yenə deyirəm, Macarıstan, Bosniya və Herseqovina yığmaları ilə oyunlar asan keçməycək.
- Mart ayında yoldaşlıq oyunlarının keçirilməsi nəzərdə tutulubmu?
- Bunu planlaşdırmışıq. Martın 29-da və 30-da bu oyunlar keçiriləcək. Martın əvvəllərində də iki belə oyun təşkil edə bilsəydik, keçdiyimiz məşqin nəticəsini yoxlayardıq. Təəssüf ki, ancaq martın sonlarında oyunlar keçirmək imkanımız olacaq. Rəqibin adını yaxın günlərdə dəqiqləşdirəcəyik.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Zirə” və “Birbaşa Bakı”dan növbəti qələbə
- “Ağ-qaralar”ın “Black Friday”i
- Azərbaycan derbisinə sözardı
- Fariz Nəcəfov: “Razı olmaram ki, “Qəbələ”yə görə idman prinsipləri pozulsun”
- AFFA prezidentliyinə və İcraiyyə Komitəsinə namizədlər açıqlandı
- “Qarabağ FK - 30 mövsüm səfərdə” sənədli filminin təqdimatı olub
- ETOPAZ - uduşun təminatı!
- “Zirə”dən alqışlanası addım
- AFFA prezidentliyi ilə bağlı son durum - hər şey böhran vəziyyətinə doğru?
- Elxan Məmmədov “Reuters”ə danışdı: “Yeni təcrübə imkanı qazanacaqlar”
- Rövnəq Abdullayev Ağsu şəhər stadionuna baxış keçirib
- Şahin Diniyev: “Nəticə baxımından uduzduq, oyun baxımından deyil”
- Yaşar Seyidov: “Yeni dövlət proqramı futbolun inkişafına zəmin yaradacaq”
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
-
17:56
Ağırlıqqaldıranlar üçün antidopinq seminarı keçirilib
-
17:45
Azərbaycan Premyer Liqasında 4 oyun üçün hakim təyinatları
-
17:24
Millimizin braziliyalı baş məşqçisi Avropa çempionatına vəsiqəni hədəfləyir
-
17:09
“Səbail” növbəti mövsümə aşağı diviziondan başlayacaq?
-
16:32
"Böyük İpək Yolu"nun qalibi: "Rəqiblərim güclü olsa da, yarış mənim üçün yaxşı keçdi"
-
16:11
“Qarabağ” qızıl medalları bu tur təmin etsə, çempionluq kubokuna nə vaxt qovuşacaq?
-
15:53
Azərbaycan boksçusu "Böyük İpək Yolu" turnirində qızıl medal qazanıb
-
15:07
Azərbaycan millisinin baş məşqçisi: "Komandamızın səviyyəsini gördük"
-
14:28
"Neftçi"nin heyətində 2 itki
-
14:00
"Turan Tovuz" məşqlərini davam etdirir FOTOLENT
-
13:46
Azərbaycan millisinin Avropa çempionatında potensial rəqibləri məlum olub
-
13:34
Millimizin kapitanı: “Azərbaycan xalqı bizdən nəticə gözləyir”
-
13:15
Ağabala Ramazanov qayıtdı - FOTO
-
12:57
"Sumqayıt"da üzlər gülür FOTOLENT
-
12:39
Azərbaycan minifutbol çempionatı: 1/4 final cütləri müəyyənləşib
-
12:25
Azərbaycan gimnastları Fransada beynəlxalq turnirdə iştirak edəcəklər
-
12:12
Millimizin üzvü İndoneziya klubunda
-
11:58
Azərbaycan millisi "Qalatasaray"a qalib gəlib
-
11:03
Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
-
10:46
Minifutbol çempionatı: pley-offun bütün iştirakçıları müəyyənləşdi
-
10:24
"Zirə"nin hücumçusu Burkino Fasoya qarşı oynadı
-
10:11
Orxan Məmmədov millinin hazırlıq planı ilə tanış olub FOTOLENT
-
09:59
Azərbaycan Kubokunda sonuncu yarımfinalçı müəyyənləşib
-
09:47
"Neftçi" "Qəbələ" səfərinə hazırlaşır FOTOLENT
-
09:30
Azərbaycan cüdoçuları Almaniyada təlim-məşq toplanışlarına qatılıblar
-
18:07
“Neftçi”yə lazım olmayan hücumçu "Mölde"də
-
17:51
"Selcan Mahsudovanın uğuru bizi qürurlandırır"
-
17:25
Azərbaycan millisi beynəlxalq turniri 9 medalla başa vurub
-
16:48
Hakimlər üçün seminar keçirilib
-
16:36
Azərbaycan millisi İrəvana getməkdən imtina etdi
-
16:19
Bölgə komandası çempionatdan kənarlaşdırıldı
-
16:13
AFFA hakimin şərəf və ləyaqətini alçaldan məşqçini futboldan uzaqlaşdırdı
-
15:54
"Şəmkir"in futbolçusundan baxımlı qol VİDEO
-
15:22
Azərbaycan gimnastı: “Olimpiadaya lisenziya qazanmaq uşaqlıq arzum idi”
-
15:01
Azərbaycan avarçəkəni beynəlxalq turnirdə gümüş medal qazanıb
-
14:48
Azərbaycanın 5 ağırlıqqaldıranı Dünya Kubokunda çıxış edəcək
-
14:35
Azərbaycan Voleybol Federasiyası daha bir layihəyə başlayacaq
-
14:17
II Liqada 5 turun oyun cədvəli açıqlandı
-
13:56
PFL rəsmilərinin son durumu açıqlandı
-
12:20
IV Avropa Oyunları İstanbulda keçiriləcək
-
11:49
"Azərreyl"in üzvü: "Hədəfimiz pley-offda uğurumuzu davam etdirməkdir"
-
11:32
Lunyov: “2-5 mövsüm yaxşı səviyyədə oynaya bilərəm”
-
11:14
"Zirə"dən ardıcıl 15-ci qələbə
-
10:51
AFFA-nın yeni baş katibi o olacaq - ÖZƏL
-
10:28
Azərbaycanın 2 boksçusu "Böyük İpək Yolu"nda bürünc medal qazanıb
-
10:03
“Səbail”in hücumçusu: 1 qol, 2 qələbə
-
09:47
Benzia bu dəfə dubl etdi VİDEO
-
09:30
Gürcüstanın tarixi qələbəsi VİDEO
-
21:24
Millimiz Ukrayna ilə bacarmadı VİDEO
-
18:48
Samir Əliyev: "Mənim yerimdə kim olur-olsun, çətin məsələdir"