“Lans”ı n prezidenti: “Hafiz Məmmədov olmasaydı...”

Hafiz Məmmədovun sahibi olduğu “Lans” klubunun prezidenti Jerve Martel iddialı açıqlamalar verib. Futbolxeber.az-ın məlumatına görə, Lans şəhərinin ictimaiyyət nümayəndələri ilə görüşündə o, komandalarının əsas hədəfinin yüksəl liqaya vəsiqə qazanmaq olduğunu və bu işin öhdəsindən gələcəklərinə əminliyini ifadə edib: “İnanıram ki, mayın 16-da biz hamımız xoşbəxt olacağıq, komandamızın birinci liqaya vəsiqə qazanmasını bayram edəcəyik. Hafiz Məmmədov olmasaydı, qarşısına birinci liqaya çıxmaq hədəfi qoyan və buna yaxın olan bugünkü “Lans” da olmazdı. Biz onunla birgə addımlayırıq. Hafiz Məmmədovun “Lans”la bağlı bir çox layihəsi var. Zamanla bunların hamısı gerçəkləşəcək”.