30 Iyul 2021, Cümə
Boksçumuz olimpiadanın yarımfinalında
Tokio-2020: Cüdoçumuz mükafatlandırıldı
Tokioda ilk medalımızı qazandıq!
"Qarabağ"ın rəqibi müəyyənləşdi

Ölkə futbolu

Musayev: "Penalti var idi"

Peşəkar Futbol Liqasının (PFL) prezidenti Ramin Musayev hesab edir ki, Premyer Liqanın 25-ci turunda baş tutan "Neftçi" - "Qarabağ" oyununda son günlər qalmaqala səbəb olan epizodda penalti var idi.

"AFFA-nın Hakimlər Komitəsinin sədri Xaqani Məmmədovla müzakirələrimiz oldu. O, həmin epizodda penaltinin olduğunu təsdiqlədi", - bunu bazar ertəsi Trend-ə Musayev deyib.
 
Qeyd edək ki, şənbə günü keçirilən "Neftçi"- "Qarabağ" oyunu 1:2 hesabı ilə Ağdam təmsilçilərinin xeyrinə bitib. Almeyda 34-cü dəqiqədə penaltini dəqiq yerinə yetirib. İkinci qol isə 68-ci dəqiqədə yenə Almeydadan gəlib. "Neftçi"nin hücumçusu Kanales 88-ci dəqiqədə təsəlli qolunu vura bilib.
Oyunun birinci hissəsindən sonra "Neftçi"nin baş məşqçisi Böyükağa Hacıyev oyunu idarə edən baş hakim Rəhim Həsənova etirazını bildirib. Oyundan sonra keçirilən mətbuat konfransında Hacıyev deyib ki, hakim onlara qarşı haqsız oldu. Qapıya təyin olunan penalti düzgün deyildi.
 
Musayev deyib ki, futbolda qalmaqalın yaranması təbiidir.
 
"Futbolda qalmaqal olmalıdır. Futbolda qalmaqal olmasa, maraq olmaz, qalmaqalın olması yaxşıdır, bəlkə bundan sonra azarkeşlər futbola gələrlər, canlı görərlər", - Musayev vurğulayıb.
 
"Neftçi" - "Qarabağ" oyununda nədənsə PFL-in rəhbərliyi ittiham edilir. Bu nədən qaynaqlanır" sualını isə Musayev "boş verin getsin" deyərək cavablandırıb.
 
Xatırladaq ki, Böyükağa Hacıyev oyundan sonra keçirdiyi mətbuat konfransında Hakimlər Komitəsinin sədri Xaqani Məmmədov və Peşəkar Futbol Liqasının prezidenti Ramin Musayevi də ittiham edib.
 
"Ramin Musayevin "Qarabağ"a simpatiyası var. Belə olmaz axı. Biz də Azərbaycan klubuyuq. Yad ölkədən gəlməmişik", - Hacıyev bildirib.



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2021
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31