Murad Səttarlının “Simurq”a keçidi niyə rəsmiləşmir?

“Qarabağ”dan ayrılan Murad Səttarlı karyerasını “Simurq”da davam etdirəcək. Futbolxeber.az-ın məlumatına görə, gənc forvard qarşıdakı günlərdə Zaqatala klubu ilə rəsmi müqavilə imzalayacaq. Əslində tərəflər münasibətlərini daha tez rəsmiləşdirməliydilər. Lakin Muradın hazırda ölkə xaricində olması keçidin rəsmiləşməsini yubadır. Bu haqda Futbolxeber.az saytına “Simurq”un mətbuat xidmətinin rəhbəri Rüstəm Allahverdiyev məlumat verib: “Murad hazırda Azərbaycanda deyil. O, vətənə qayıtdıqdan sonra müqavilə imzalayacağıq. Səttarlının nə vaxt qayıdacağını dəqiq bilmirəm. Yəqin ki, komandamız Antalyaya gedənə kimi müqavilə imzalanar”.