Baçana Tsxadadze - 2013-cü ilin bombardiri

"İnter"in rəsmi saytı klubun mövsümün ilk yarısındakı çıxışı ilə bağlı statistik növbəti yazı hazırlayıb. Futbolxeber.az həmin yazını təqdim edir:

Saytımız 2013-cü ilin yekunlarıyla bağlı yazılar təqdim etməkdə davam edir. İndisə başa çatmaqda olan ilin ən yaxşı bombardirini müəyyənləşdirmək vaxtıdır.

Belə ki, 39 rəsmi oyunda “İnter” rəqiblərinin qapısından 60 top keçirib. Bu oyunlarda komandanın heyətində 18 futbolçu fərqlənib. 2013-cü ildə “İnter”in heyətində fərqlənə bilmiş ən gənc futbolçu Fuad Bayramov, ən böyüyüsə Aleksandr İaşvili olub.

Başa çatmaqda olan ildə “İnter”in ən yaxşı bombardiri Baçana Tsxadadze olub, onun aktivində 11 qol var. Forvard 7 dəfə ölkə çempionatında, 2 dəfə Azərbaycan Kuboku oyunlarında və 2 dəfə də UEFA Avropa Liqası matçlarında fərqlənib. B.Tsxadadze ən çox “Rəvan” komandasının qapısından top keçirib-4. “Bakı” komandasının qapısından keçirdiyi qolların sayı 3-ə bərabərdir. “Xəzər-Lənkəran”, “Mariehamn”, “Tromse” və AZAL ilə keçirilən oyunlarsada 1 dəfə qol sevinci yaşayıb. Məhsuldarlığa görə ikinci yeri “İnter”in kapitanı Vaqif Cavadov tutur. Forvard komandanın heyətində 23 matç keçirib və 10 dəfə fərqlənmək imkanı tapıb. 2013-cü ildə Asif Məmmədov 8 qola imza atıb.

Aşağıdakı cədvəldə 2013-cü ildə fərqlənmiş futbolçularımızın tam siyahısıyla tanış ola bilərsiniz.