4 Avqust 2021, Çərşənbə
Avroliqa: “Neftçi” HİK-lə bərabərə qaldı
Almeyda “Qarabağ”a qayıtdı
Şəhriyar Aronyanla heç-heçə etdi
Kapitan: “Qalib gəlmək istəyirik”

Ölkə futbolu

“Təhsilin idmana yalnız xeyri dəyə bilər” (Müsahibə)

“Neftçi” PFK-nın əvəzedici komandasının yarımmüdafiəçisi Orxan Qurbanlı klubun rəsmi saytına müsahibə verib.

- Bildiyimizə görə futbol məşğul olduğun yeganə sahə deyil. Yüksək bal toplayaraq ali məktəbə də daxil olmusan...

- Hazırda futbolla bərabər təhsilimi də davam etdirməyə çalışıram. 9 il litseydə oxuyandan sonra universitet imtahanlarında 571 bal toplayaraq Azərbaycan Dövlət İqtidsad Universitetinin Mühasibat uçotu və audit fakültəsinə daxil oldum. İkinci kurs tələbəsiyəm.

- Təhsil və futbol: bunlar bir-birinə mane olmur ki?

- Mənim üçün hərəsinin öz yeri var. Təhsilin idmana yalnız xeyri dəyə bilər. Peşəkar futbolçu olmağı qarşıma məqsəd qoymuşam. Həvəslə məşq etməyimə səbəb “Neftçi”də gənc futbolçulara daha çox şans verilməsi və onların mütəmadi olaraq əsas komandaya cəlb olunmasıdır. Universitetdə müəllimlərim də “Neftçi”də oynadığımı bilir və vacib yarışlarda müəyyən güzəştlər edirlər. Amma digər tələbə yoldaşlarım kimi mən də bütün dərslərdə iştirak edirəm və bu baxımdan heç kimdən geri qalmamağa çalışıram.

- Artıq əsas komandaya da dəvət olmusan...

- Mən “Neftçi”yə 2005-ci ildə gəlmişəm. Hələ o vaxtdan yalnız bir məqsədim var idi: əsas komandaya düşmək. İndi bu istəyimi gerçəkləşdirməyə yaxınam. Düşünürəm ki, əsas komandada möhkəmlənib, “Neftçi”nin aparıcı üzvlərindən birinə çevriləcəyəm. Düzdür, əvvəllər valideynlərim deyirdilər ki, daha çox dərslərimə fikir verim. Amma mən onların istəyini reallaşdırmaqla yanaşı, öz arzularımı da gerçəkləşdirməkdəyəm.

- Səncə, təhsilli idmançı daha hansı üstün keyfiyyətlərə malikdir?

- Həm təhsil, həm də dünya görüşü hər bir sahədə olduğu kimi, futbolda da insanın köməyinə çatır. Belə olduqda futbolçu qarşısına daha böyük məqsədlər qoyur, komanda yoldaşları ilə davranışında və meydanda nizam-intizamı ilə seçilir. Mən futbolu seçsəm də, təhsilimi də mümkün olduğu qədər davam etdirəcəyəm.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2021
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31