“Xəzər Lənkəran” rəsmisi: “Neftçi” ilə ilkin razılığa gəlmişik”

“Xəzər Lənkəran” müqavilə ilə “Neftçi”yə məxsus olan, lakin icarə əsasında “Sumqayıt”da çıxış edən Slavik Alxasovu heyətində görmək istəyir. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “Bəli, Alxasovla maraqlanırıq. Lakin onun keçidini hələ həll etməmişik. Sadəcə olaraq, ilkin razılıq var. “Neftçi” rəhbərliyi ilə bu barədə qeyri-rəsmi söhbətimiz olub və onlar keçidin reallaşmasında heç bir problem olmadığını bildiriblər”.